Bıyl Túrkistan qalasyna erekshe mártebe berý týraly Zań qabyldandy. Bul mańyzdy qujat oblystyń týrısik áleýetin arttyrýǵa, jańarǵan shahardyń álemdik deńgeıde tanylýyna jańa serpin bermek, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Búginde tarıhı shaharǵa shet memleketterden jáne elimizdiń basqa óńirlerinen kelýshiler sany kúrt artýda. Qazirdiń ózinde qonaqúılerdegi jatyn bólmelerdiń 90%-ǵa jýyǵy tolǵan. Merekelik demalys kúnderge barlyq qonaqúılerdegi tósek-oryndar tolyq brondalǵan.
Sonymen qatar 21 naýryz kúni Almaty-Túrkistan-SHymkent-Tashkent-Samarkand poıyzymen 250 týrıs keledi dep kútilýde. Týrıserge 68 ornalastyrý oryny, 1372 bólme, 3048 tósek-oryn kelýshilerge qyzmet kórsetip jatyr. Sonymen qatar áýe bıletteri tolyq satylýda.
2025 jyldyń qańtar-aqpan aılarynda E-qonaq boıynsha qalaǵa kelgen sheteldik týrıser sany 1310 adamdy qurady. «Áziret Sultan» qoryq-murajaıy bergen málimet boıynsha
qańtar-aqpan aıynda 47 myńnan astam kelýshi tirkelgen. 2024 jyly Túrkistan – Túrki áleminiń týrısik astanasy atandy. Bul mártebe óńirdiń týrısik aǵynynyń artýyna yqpal etti. Ótken jyldyń naýryz aıynda qalaǵa kelýshilerdiń sany 79,8 myń adamdy quraǵan. Túrkistan qalasynyń erekshe mártebege ıe bolýyna baılanysty bul kórsetkishterdiń taǵy da arta túseri anyq.
Aıta keteıik, oblysta 235 ornalastyrý orny jáne 75 sanatorıalyq-kýrorttyq uıym jumys isteıdi. 2024 jyldyń qorytyndysymen óńirdegi tabıǵı aýmaqtarǵa 128,6 myń adam, tarıhı oryndarǵa 880,1 myń adam saıahattaǵan.
