Naýryz aiynda infliatsiia 1,3%-ǵa ósip, onyń jyldyq kólemi 10% boldy. Jyldyq infliatsiia 16 óńirde údedi, dep habarlaidy Dalanews.kz.
QR Ulttyq banktiń málimetinshe, eń joǵary ósim Astanada tirkeldi.
Naýryz aiynda eldegi jyldyq infliatsiia údep (aqpanda – 9,4%), 10% boldy. Jyldyq infliatsiia 16 óńirde jedeldep, 4 óńirde baiaýlady.
"Elordada jyldyq infliatsiia 13,3%-ǵa jetti, bul – el boiynsha eń joǵary kórsetkish. Azyq-túlik baǵasynyń eń joǵary ósimi – Aqmola oblysynda, al eń tómengi ósim Jambyl, Qostanai jáne Túrkistan oblystarynda baiqaldy", delingen Ulttyq bank habarlamasynda.
Azyq-túlikke jatpaityn taýarlar boiynsha joǵary ósim – Túrkistan oblysynda (15,2%), al eń tómengisi Almaty oblysynda (5,8%) tirkeldi.
Naýryzda aqyly kórsetiletin qyzmet baǵasy jyldyq mánde 14,3%-ǵa deiin jedeldedi (aqpanda – 14,1%). Sonymen qatar baǵa Batys Qazaqstan oblysynda (19,1%) jalpy respýblikalyq deńgeiden aitarlyqtai joǵary, Pavlodar oblysynda (7,2%) edáýir tómen ósim kórsetti.
Buǵan deiin BJZQ aktivteri osymen úshinshi ai qatarynan tabys ákelmegenin jazǵanbyz.
