NATO Áskeri komitetiniń tóraǵasy Djýzeppe Kavo Dragone Resei burynǵy KSRO kezeńindegi yqpaly men aýmaǵyn qaitarýǵa umtylýy múmkin ekenin málimdedi dep habarlaidy Dalanews.kz.
Onyń aitýynsha, Alians baǵalaýynsha, Máskeý Keńes Odaǵy taraǵanǵa deiingi geosaiasi yqpalyn qaita ornatýǵa tyrysýy yqtimal, dep jazady RBK-Ýkraina.
"Olar muny jýyrda ózderi de rastaǵandai kórinedi. Buǵan eshqandai kúmán joq. Resei buryn ielik etken aýmaqtardy qaitarýǵa umtylýy múmkin. Men KSRO ydyraǵanǵa deiingi kezeńdi aityp otyrmyn", – dedi italiialyq áskeri.
Sondai-aq ol Reseidi NATO úshin basty qaýip dep atady. Alaida qazirgi ýaqytta Baltyq elderine tikelei jáne shuǵyl qaýip tónip tur dep barlaý qyzmetteri tirkemegenin aitty.
