NASA 2030 jyldary Aida astronavtardyń uzaq ýaqyt ómir súrýine arnalǵan turaqty baza qurýdy josparlap otyr. Bul týraly AQSh-tyń ǵarysh agenttigi málimdedi, dep habarlaidy dalanews.kz.
Jańartylǵan josparǵa sáikes, 2029 jyldan bastap Aidaǵy bazanyń turaqty infraqurylymyn, sonyń ishinde energiiamen qamtamasyz etý júielerin qurý bastalady. Al 2028 jyly Artemis baǵdarlamasy aiasynda eki astronavt Ai betine qonady dep kútilýde. Osy ýaqytqa deiin qajetti tehnika men jabdyqtardyń bir bóligi arnaiy qoný modýlderi arqyly Aiǵa jetkiziledi.
Sondai-aq 2027 jyly Artemis III pilottyq missiiasyn júzege asyrý josparlanǵan. Onyń barysynda Jer orbitasynda ǵarysh kemesiniń qoný modýlderimen túiisý protsesi synalady.
NASA málimetinshe, agenttik Ai bazasyna arnalǵan qoný modýlderin, lýnohodtar men drondardy ázirleý úshin amerikalyq tórt kompaniiamen júzdegen million dollarlyq kelisimshart jasaǵan.
Milliarder Djeff Bezosqa tiesili Blue Origin kompaniiasy Aidyń ońtústik poliýsine jaqyn aimaqqa lýnohodtardy jetkizetin eki qoný modýlin usynady. Al lýnohodtardy Astrolab jáne Lunar Outpost kompaniialary jasaidy.
Budan bólek, byltyr Ai betine óz apparatyn sátti qondyrǵan Firefly Aerospace kompaniiasy alǵashqy drondardy Aiǵa jetkizýmen ainalysady.
NASA ókilderiniń aitýynsha, bul jobalar bolashaqta Aidy igerý men ǵaryshtyq zertteýlerdi jańa deńgeige kóterýge múmkindik beredi.
