Aldaǵy ýaqytta Qazaqstan azamattary Túrkiia, Ázerbaijan, Qyrǵyzstan jáne Ózbekstanǵa sheteldik tólqujatsyz, tek jeke kýálikpen saiahattai alýy múmkin, dep habarlaidy dalanews.kz.
Qazirgi tańda mundai tártip Ázerbaijan men Túrkiia arasynda qoldanysta bar. Endi osy múmkindikti Túrki memleketteri uiymyna (TMU) múshe ózge elderge de keńeitý máselesi qarastyrylyp jatyr. Bul týraly TMU Bas hatshysy Kýbanychbek Ómiráliev málimdedi.
Onyń aitýynsha, uiymǵa múshe memleketterdiń azamattary ózara saparlardy jeke kýálik arqyly júzege asyra alýy úshin daiyndyq jumystary júrgizilýde.
«Biz bul múmkindikti basqa da túrki memleketterimen engizý baǵytynda jumys istep jatyrmyz. Áńgime Qyrǵyzstan, Qazaqstan jáne Ózbekstan týraly bolyp otyr. Muny bir ǵana elmen emes, birneshe memleketpen birlesip júzege asyrýǵa bolady», – dedi ol.
Bas hatshynyń sózinshe, joba ázirge daiyndyq kezeńinde tur. Sondyqtan onyń naqty qashan iske qosylatyny ázirge belgisiz.
«Bul másele bizdiń kún tártibimizde tur. Joba Túrkiia, Ázerbaijan, Qyrǵyzstan, Qazaqstan jáne Ózbekstandy qamtidy. Ony múmkindiginshe qysqa merzimde júzege asyrý úshin qajetti jumystar júrgizilip jatyr», – dep atap ótti Kýbanychbek Ómiráliev.
Eger bastama júzege assa, atalǵan bes eldiń azamattary sheteldik tólqujat rásimdemei-aq, jeke kýálikpen erkin qatynap, týristik jáne iskerlik saparlardy jeńildetýge múmkindik alady.
