الداعى ۋاقىتتا قازاقستان ازاماتتارى تٷركييا, ەزەربايجان, قىرعىزستان جەنە ٶزبەكستانعا شەتەلدٸك تٶلقۇجاتسىز, تەك جەكە كۋەلٸكپەن ساياحاتتاي الۋى مٷمكٸن, دەپ حابارلايدى dalanews.kz.
قازٸرگٸ تاڭدا مۇنداي تەرتٸپ ەزەربايجان مەن تٷركييا اراسىندا قولدانىستا بار. ەندٸ وسى مٷمكٸندٸكتٸ تٷركٸ مەملەكەتتەرٸ ۇيىمىنا (تمۇ) مٷشە ٶزگە ەلدەرگە دە كەڭەيتۋ مەسەلەسٸ قاراستىرىلىپ جاتىر. بۇل تۋرالى تمۇ باس حاتشىسى كۋبانىچبەك ٶمٸرەليەۆ مەلٸمدەدٸ.
ونىڭ ايتۋىنشا, ۇيىمعا مٷشە مەملەكەتتەردٸڭ ازاماتتارى ٶزارا ساپارلاردى جەكە كۋەلٸك ارقىلى جٷزەگە اسىرا الۋى ٷشٸن دايىندىق جۇمىستارى جٷرگٸزٸلۋدە.
«بٸز بۇل مٷمكٸندٸكتٸ باسقا دا تٷركٸ مەملەكەتتەرٸمەن ەنگٸزۋ باعىتىندا جۇمىس ٸستەپ جاتىرمىز. ەڭگٸمە قىرعىزستان, قازاقستان جەنە ٶزبەكستان تۋرالى بولىپ وتىر. مۇنى بٸر عانا ەلمەن ەمەس, بٸرنەشە مەملەكەتپەن بٸرلەسٸپ جٷزەگە اسىرۋعا بولادى», – دەدٸ ول.
باس حاتشىنىڭ سٶزٸنشە, جوبا ەزٸرگە دايىندىق كەزەڭٸندە تۇر. سوندىقتان ونىڭ ناقتى قاشان ٸسكە قوسىلاتىنى ەزٸرگە بەلگٸسٸز.
«بۇل مەسەلە بٸزدٸڭ كٷن تەرتٸبٸمٸزدە تۇر. جوبا تٷركييا, ەزەربايجان, قىرعىزستان, قازاقستان جەنە ٶزبەكستاندى قامتيدى. ونى مٷمكٸندٸگٸنشە قىسقا مەرزٸمدە جٷزەگە اسىرۋ ٷشٸن قاجەتتٸ جۇمىستار جٷرگٸزٸلٸپ جاتىر», – دەپ اتاپ ٶتتٸ كۋبانىچبەك ٶمٸرەليەۆ.
ەگەر باستاما جٷزەگە اسسا, اتالعان بەس ەلدٸڭ ازاماتتارى شەتەلدٸك تٶلقۇجات رەسٸمدەمەي-اق, جەكە كۋەلٸكپەن ەركٸن قاتىناپ, تۋريستٸك جەنە ٸسكەرلٸك ساپارلاردى جەڭٸلدەتۋگە مٷمكٸندٸك الادى.
