Almatyda qala ǵimarattaryna jazylǵan esirtki jarnamalaryn joiýǵa baǵyttalǵan kezekti «Narkostop» aktsiiasy ótti. Shara Almaty qalasy Jastar saiasaty basqarmasy men Almaty qalasynyń Politsiia departamentiniń Esirtki qylmysyna qarsy is-qimyl basqarmasynyń qoldaýymen ótti, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Aktsiiaǵa 500-ge jýyq volonterler, stýdentter jáne komiýniti ortalyqtardyń rezidentteri qatysty. Olar Almaty qalasynyń Politsiia departamentiniń qyzmetkerlerimen esirtki jarnamalarynyń oryndaryn anyqtap, olardyń zańsyz jazbalaryn óshirdi. Reid barysynda 1 kúnniń ishinde ǵimarattardyń syrtqy qabyrǵasyna jazylǵan 100-den asa jarnama anyqtalyp, joiyldy.
Atalǵan is-sharanyń maqsaty – jastarǵa esirtkiniń ziiandylyǵyn túsindire otyryp, salaýatty ómirdi tańdaýǵa shaqyrý.
– Búgin Almaty qalasynyń volonterleri bolyp jastar úshin mańyzdy «Narkostop» aktsiiasyna qatysýǵa keldik. Almaty – bizdiń ortaq úiimiz, sondyqtan shara aiasynda zańsyz jarnamalardy óshirip, olardyń ár qarai taralmaýyna kishkene bolsa da óz úlesimizdi qosyp jatyrmyz, – dedi volonter Amanǵazy Nurasyl.
Aita keteiik, aǵymdaǵy jyly «Narkostop» jobasyna qala boiynsha 3 myńnan astam volonter qatysty. Joba aiasynda 60-tan astam is-shara ótkizilip, 2 myń trafaret pen graffiti óshirildi.
Sonymen qatar, qaladaǵy komiýniti-ortalyqtarda nashaqorlyqqa qarsy mádenietti qalyptastyrýǵa jáne esirtki ainalymyna qarsy qoǵamdyq kúreske baǵyttalǵan túsindirme jumystary, intellektýaldyq oiyndar, debattar, viktorinalar men kvizder júieli túrde ótti.
Jalyp Almaty qalasynda esirtkige qarsy kúres birneshe baǵytta belsendi túrde júrgizýde. Bul jumysqa politsiia departamenti, jergilikti ákimdik, eriktiler bir judyryqtai jumylyp kirisetini anyq. 2024 jyly qalada quqyq qorǵaý organdary 158 keli esirtki tárkilenip, 5 esirtki zerthanasyn joiǵan. Sonymen qatar, internet arqyly esirtkini nasihattaityn 337 resýrs buǵattalǵanyn da aita ketýimiz kerek.
Qoǵamdyq oryndarda jáne áleýmettik jelilerde esirtkige qarsy aqparattyq beinerolikter men habarlamalar taratylady. Bul jumysqa ataqty sportshylar men eriktiler de qatysady. Qalada esirtki biznesine soqqy retinde qarjylyq barlaý jumystary kúsheitilgen. Mundai tájiribe esirtki saýdasyn tiimdi tejeý úshin qoldanylatynyn aita ketýimiz kerek. Bul sharalardyń nátijesinde nashaqorlyqqa qarsy qoǵamdyq immýnitetti qalyptastyrý jáne esirtki saýdasynyń aldyn alý boiynsha birqatar jetistikterge qol jetkizilýde.
