Ol - árkimniń óz isi. Ermek - óziniń naqty printsipteri bar, biliktiń bet-perdesin qoryqpai ashyp júrgen azamat. Biraq, ol ońai adam emes, keibir jaǵdaida, shynymdy aitsam, onyń qadamdaryn túsinbeimin.
Biraq, jalpy baǵyty durys: pikirin ashyq aitady, elde ondai da "buzyqtar" bolýy kerek. Sottaryna baryp, qoldap júrgenim de sodan.
Kievke ketkeni - onyń óz tańdaýy. Biraq, meni tolǵandyratyn úsh nárse bar.
Ol ana jaqta bilikke tym qatty syn aitsa, osyndaǵy otbasyna salqyny tiip ketpei me? Múmkin, otbasyn da alyp ketkeni durys bolar ma edi. Sol kezde onyń ashyqtan-ashyq kúresýine eshnárse qolbailaý bolmas edi ǵoi.
Ekinshi jait onyń jeke basynyń qaýipsizdigine qatysty: endi bizdiń bilik ony sol jaqta taýyp, elge qaitaryp, ruqsatsyz ketkeni úshin (formaldy túrde sot sheshimi bar) qatań jazalamai ma? Qarjyǵa zárý Ýkraina biligi munaily Qazaqstanmen bailanysyn bir adam úshin buza qoiar ma eken?
Úshinshi jait - osy pretsedent bilikke syn aityp júrgen tulǵalardyń arasyna taǵy bir syna qaǵyp jatqan sekildi. Biri - qoldaidy, ekinshisi - dattaidy, taǵysyn taǵy degendei. Ol da durys emes.
Jalpy, "pálenshe bilikpen aýyz jalasqan, oppozitsiiaǵa jibergen jansyzy" dep, kústánalaý úshin qolda naqty faktiler bolýy kerek! Qalǵan sózdiń bári - dalbasa!
Ózderińiz bilesizder ǵoi, búkil oppozitsiiany biriktirýge úles qosamyn dep kezinde meniń de shashym aǵardy. Bolmady. Sondyqtan, da árqaisymyzdyń jeke pozitsiiasy men tańdaýyna meilinshe túsinistikpen qaraiyq.
Aitpaqshy, el ishinde bilikke Ermekten de beter qatty syn aityp júrgen azamattar bar emes pe? Olar da sottalyp, qinalyp, jumyssyz júr, biraq elden ketip jatqan joq qoi. Olardy sol úshin ǵana qurmetteýge bolady!
