Bul Joldaýdyń aty aityp turǵandai, qazirgi HHI ǵasyrdaǵy ózgermeli ýaqytta, álemniń qaryshtap, kún saiyn jańa innovatsiialyq tehnologiialardyń jańa túrleri qoldanysqa enip jatqan kezeńde, halqymyzdyń osy kóshke erip qana qoimai, turmys sapasyn arttyryp, tabysqa qol jetkize bilýi memleketimizdiń basty mindeti. Prezident bul Joldaýynda bizdiń elimizdiń jahandyq daǵdarys qyspaǵynan jol taýyp, memleketti alǵa súireritin basty baǵyttardy atap kórsetti.
Jalpy, elimiz Táýelsizdik alǵaly beri Ult kóshbasshysynyń jyl saiynǵy halyqqa arnaǵan Joldaýlary elimizdiń jarqyn belesterdi baǵyndyryp, álemdik saiasatta ózindik orny bar irgeli memleketke ainalýynyń basty baǵdary boldy. N.Nazarbaevtyń jyl saiynǵy elimizdiń basty qujaty sanalatyn bul Joldaýlary el damýynyń joldaryn aiqyndap, Táýelsiz Qazaqstandy gúldengen elge ainaldyrdy desek artyq aitqandyǵymyz emes. Elbasynyń biylǵy Joldaýy da elimizdiń álemdik arenada óz ornyn aiqyndap qana qoimai, ózgeler úlgi tutar memleket deńgeiinen tómendemeýine de óz septigin tigizeri aqiqat. Biylǵy Joldaý el ekonomikasynyń ár taraptanyp, halqymyzdyń turymys-tirshiliginiń de jaqsarýyn, qazaqstandyqtardyń bolashaqta da qalai damitynyn anyqtap berdi. Joldaýdaǵy «Halyq tabysynyń ósýi», «Turmys sapasyn arttyrý», «Ómir súrýge jaily orta qalyptastyrý», «Azamattardyń suranysyna beiimdelgen memlekettik apparat», «Tiimdi syrtqy saiasat» dep atalatyn baǵyttary jańa Qazaqstannyń alǵa qadam basardaǵy basty baǵdarshamy. Bul, árine, elimizdiń aldaǵy ýaqytta qai baǵytta qulash sermeýine jol kórsetedi dese de, biz bilim salasynyń qyzmetkerleri bolǵandyqtan osy bilim salasyna qandai tyń bastamalar men jańalyqtar enedi dep qulaq túrip otyramyz.
Biylǵy Joldaýdyń basqadan ereksheligi bul joly Elbasymyz Pedagog mártebesine keńinen toqtalǵan. Óitkeni qazirgi tańda muǵalimderdiń mártebesi men olardyń ólsheýsiz eńbegi zań aiasynda qorǵalý kerektigin qoǵamnyń ózi anyqtap berdi. Ásirese, Prezidenttiń «5 jyl ishinde bilim, ǵylym, densaýlyq saqtaý salalaryna barlyq kózderden jumsalatyn qarajatty ishki jalpy ónimniń 10 paiyzyna deiin jetkizý qajet»,– dep aitqany bilim salasyna degen úlken janashyrlyq qamqorlyǵy dep bilemiz. Elbasymyzdyń mektepke deiingi bilim berý sapasyn túbegeili ózgertý kerek degeni bolashaq urpaqtyń jan-jaqty damyǵan, kez-kelgen ortaǵa ózin beiimdei alýyna jol ashary sózsiz.
Sonymen qatar, joǵary oqý oryndaryndaǵy bilim sapasynyń jaqsarýyn kúsheitý, joǵary oqýoryndaryn irilendirý degen usynystary elimizdegi bilim básekesiniń artýyna jol ashady dep bilemin. Óitkeni, maman daiarlaýda qazirgi zamanaýi suranysqa qarai Qazaqstandy damytýǵa jaǵdai jasap, adami kapitaldyń sapasyn arttyrýǵa kúsh sala biletin oqý oryndary ǵana jumys jasaýyna tolyq múmkindik berip otyr. Ult kóshbasshysynyń álemdik elderdiń tájiribesinen quralǵan Nazarbaev Ýniversitetiniń úlgisimen jańa joǵary oqý oryndaryn qurý qajet degen mindetteri budan bylai bilim salasyna jaýapkershilikti arttyratyny sózsiz.
Bul salada 90 jyldyq tarihy bar Abai atyndaǵy Qazaq ulttyq pedagogikalyq ýniversitetine de naqtyly mindetter artylatyny aqiqat. Bizdiń ýniversitetimiz rektor Takir Balyqbaevtyń bastamasymen kóptegen tyń bastamalardyń bastaýshysy bolyp elimizdegi pedagogikalyq joǵary oqý oryndarynyń kóshbasshysy degen attan ainymai kele jatyr. Biylǵy jylǵy Prezidenttiń Jarlyǵymen memlekettik granttardyń sany artqany barshamyzǵa málim. Sol granttardyń kópshiligin bizdiń oqý ornymyz ielenip otyr. Bul da bizdiń oqý ornymyzdyń talapqa sai bilim beretininiń aiǵaǵy. Biylǵy oqý jylynyń ózinde-aq kóptegen jańa baǵdarlamalar qurylyp, stýdentterimizdiń básekege qabiletti maman bolýyna birshama jumystar júrgizildi. Oqý úderisine jańa innovatsiialyq tehnologiialar keńinen engizilýde. Oqytýshy-professorlardyń jaýapkershiligi arttyryldy. Bilimdi baǵalaýdyń kriteriilik úlgisi engizilip jatyr. Sondai-aq bizdiń oqý Akademiialyq utqyrlyq baǵdarlamasy boiynsha bizdiń stýdentterimiz sheteldik jetekshi joǵary oqý oryndarynda oqyp kelse, sheteldik professorlardy da ózimizdegi oqý úderisine kóptep tartyp otyrmyz. Búginde álemniń 23 memleketteriniń 130 ýniversitetterimen áriptestik qyzmet atqaryp kele jatqan oqý ornymyz budan bylai da órisin keńeite beredi dep oilaimyn.
Qysqasy, Joldaý naqtyly mindetter belgilendi. Endi ony júzege asyrýǵa atsalysý barshamyzǵa syn.
Hairýlla Janbekov, Abai atyndaǵy QazUPÝ Akademiialyq máseleler jónindegi departament direktory
