Qazaqstan Respýblikasy
Prezidenti Ákimshiliginiń Basshysy
N.Z.Nyǵmatýlinge
Qurmetti Nurlan Zairollauly!
Elbasy Nursultan Nazarbaev Qazaqstan Táýelsizdik jariialaǵannan keiin sheteldegi qazaqtardy tarihi otanyna shaqyryp, qandastarymyzǵa arnap arnaiy kóshi-qon saiasatyn úzdiksiz júrgizip keledi. Búginde ata-jurtyna oralǵan qazaqtardyń sany 952 myń 882-den asty. Bul Qazaqstan halqynyń 5,5 paiyzy. Ótken jyly, kóshi-qon týraly jańa Zańǵa ózgerister men tolyqtyrýlar engizilip, qaita qabyldanyp, Prezident qol qoidy.
Elbasy BAQ quraldaryna bergen beiresmi suhbatynda kóshi-qon týraly: «Ol saiasat ózgermeidi. Bizge qaityp kelem degen aǵaiyndarǵa – qazaqtarǵa esik ashyq. Men kóbirek kelgenin qalaimyn ol adamdardyń!», - dep óz ustanymyn aitty. Prezidenttiń bul pikiri, sheteldegi qazaqtardyń ata-qonysyna baǵyt túzegen kóshiniń ekinshi altyn dáýirin bastaidy. Osyǵan orai, biz Elbasy saiasatynyń, Máńgilik el muratynyń múltiksiz oryndalýyna bar kúsh-qairatymyzdy jumsaýǵa mindettimiz. Sondyqtan, biz aldaǵy ýaqytta kóshi-qon tóńireginde týyndaityn keleńsiz máselelerdiń aldyn alyp jáne ony boldyrmaý joldaryn qarastyrýymyz kerek.
Qurmetti Nurlan Zairollauly, ult janashyry, memleket qairatkeri jáne Prezidenttiń saiasattaǵy senimdi ókili retinde – Qazaqstan azamattyǵyn alǵan, táýelsizdiktiń shirek ǵasyrlyq damýyn, órkendeýin, barlyq qazaqstandyqtarǵa teń jasalyp otyrǵan igilikterin tolyq paidalanyp, qandastarymyzdyń arasynan ziialy qaýym ókilderiniń, ǵylym doktorlarynyń, kóshi-qon máselesin jetik biletin belsendi qoǵamdyq uiymdardyń múshelerinen birneshe azamattyń aldaǵy Parlament sailaýyna qatysýyna óz tarabyńyzdan qoldaý kórsetedi degen senimdemiz. Búginde Elbasynyń kóshi-qon saiasatyn únemi qoldaýynyń nátijesinde ata-jurtqa kelgen qandastar arasynda 74 ǵylym doktory, 213 ǵylym kandidaty, 1600 shyǵarmashylyq qyzmetker, 12,5 myń bilim berý salasynyń qyzmetkerleri, 7 myń meditsina salasynyń mamandary, 40 myń 700-den astam joǵary bilim alǵan azamattar bar eken. Al bulardyń qatarynda Elbasy tizginin ustan "Nur Otan" partiiasyna múshe bolǵan azamattardyń qatary kóp.
Qurmetti Nurlan Zairollauly!
Álemniń 40-tan astam elinde ómir súrip jatqan árbir qazaq - Otanǵa, Ult kóshbasshysy Nursultan Nazarbaevqa, Qazaqstan halyqyna arqa súieidi! Májilistiń aldaǵy altynshy shaqyrylymynda shetelden kelgen, Elbasy saiasatyn tereń túsinetin, Prezidenttiń senimin aqtaýǵa laiyqty azamattardyń "Nur Otan" partiiasy atynan Parlament depýtaty bolyp sailanýyna óz tarabyńyzdan qoldaý kórsetýińizdi suraimyz.
Qurmetpen:
Káken Qamzin, F.Ǵ. D. , professor
Amanqos Mektep-tegi, F.Ǵ.K., dotsent
Murat Shaimaran, QazUÝ jýrnalistika fakýltetiniń aǵa oqytýshysy
Qoishybek Múbárak, QazUÝ jýrnalistika fakýltetiniń aǵa oqytýshysy, jazýshy
