19 qyrkúiekte dástúrli Kazakhstan Growth Forum -da jyldyń úzdik menedjerleriniń esimderi jariialandy. Kaspi.kz basshysy jáne negizin qalaýshylardyń biri Mihail Lomtadze altynshy ret «Jyldyń úzdik CEO-sy» atandy.
«Qazylar alqasyna joǵary baǵa bergeni úshin alǵys aitamyz. Bul búkil ujymnyń jankeshti eńbeginiń nátijesi. Biz zamanaýi qyzmettermen adamdardyń ómirin jaqsartýǵa umtylamyz jáne Qazaqstanda turyp, jumys istep jatqanymyzdy maqtan tutamyz. Biz qazaqstandyqtardy ary qarai da jańa zamanaýi tsifrlyq qyzmettermen tań qaldyrýǵa jáne qýantýǵa tyrysamyz. Súiikti klientterimiz ben seriktesterimizge senimderi men qoldaýlary úshin, al memlekettik organdarǵa eldiń tsifrlyq damýy úshin qolaily jaǵdai jasaǵany úshin alǵys aitamyz».
Jyl saiyn úzdik jetekshilerdi Kazakhstan Growth Forum-nyń saraptamalyq keńesi anyqtaidy. Onyń quramyna: Eldar Ábdirazaqov, (Kazakhstan Growth Forum), Marjan Melanich (Kazakhstan Growth Forum), Sáken Jumashev (KPMG), Elena Bahmýtova (Qazaqstan qarjygerleri qaýymdastyǵynyń keńesi), Erlan Dosymbekov (EY), Ekaterina Bendjamin (IFC), Dana Ińkárbekova (PwC), Dina Ýstaeva (Qazaq táýelsiz direktorlary), Dýlatbek Yqbaev (McKinsey&Company), Oraz Jandosov (RAKURS), Erjan Dosymbekov (Grant Tornton), Alina Aldambergen (KASE), Andrei Beklemishev (IDC) kiredi.
Jeńimpazdar jyl saiyn ekonomikanyń túrli salalarynda usynylǵan 500 úzdik qazaqstandyq kompaniianyń arasynan tańdalady.
