Almaty qalalyq sotynyń apelliatsiialyq alqasy belsendi Mirbolat Myrzataiulynyń apelliatsiialyq shaǵymyn qanaǵattandyrmady. Osylaisha, byltyr oǵan qatysty shyǵarylǵan tórt jylǵa bas bostandyǵynan aiyrý úkimi ózgerissiz qaldy, dep habarlaidy Dalanews.kz.
Mirbolat Myrzataiuly byltyr ultaralyq arazdyqty qozdyrý baby boiynsha aiyptalǵan. Memlekettik aiyptaýshy sotta blogerdiń til máselesine qatysty arandatýshylyq sipattaǵy talaptar qoiǵanyn málimdedi. Prokýrordyń aitýynsha, ol qazaq tilin bilmeitin mekeme basshysyn qyzmetten bosatýdy talap etip, bul áreketterin áleýmettik jelilerde jariialaǵan.
Al sot ǵimaratyna jinalǵan belsendiler blogerdi qoldap, "Mirbolatqa bostandyq!", "Qazaq tiline bostandyq!" degen urandar aitty. Olar Myrzataiulynyń áreketi "Til týraly" zańnyń oryndalýyn talap etýmen ǵana shektelgenin alǵa tartty.
Eske salaiyq, byltyr qarasha aiynda sot Mirbolat Myrzataiulyn Qylmystyq kodekstiń 174-babynyń 1-bóligi boiynsha kináli dep tanyp, tórt jylǵa sottaǵan.
