"24 aqpanda keshki 21.00 shamasynda Aqmola oblysy Tselinograd aýdandyq bóliminiń qyzmetkerleri sot qaýlysyn oryndaý maqsatynda Talapker eldi mekeniniń 1977 jyly týǵan azamaty Dýlat Aǵadil Shákirulyn Aqmol eldi mekeniniń emhanasyna jetkizgen. Tártip boiynsha sarapshynyń saraptamasy ótkizildi.
Sol jerde azamat Aǵadildiń qanynda orta dárejedegi alkogol bary anyqtaldy.
Sonymen qatar, dene jaraqattarynyń bar-joǵyn anyqtaý barysynda Nur-Sultan qalasyndaǵy sot-saraptama ortalyǵynda sot-saraptamasy ótkizilip, dene jaraqatynyń bar-joǵy anyqtaldy", - dep habarlady ministrlik ókili.
"Saǵat tańǵy altylarda turǵannan keiin tamaq ishken soń dárethanaǵa ketedi, odan shyǵysymen tizerlep otyryp qulap qalǵan. Kameradaǵylar Aǵadildiń densaýlyǵy nasharlaǵanyn baqylaýshyǵa habarlaidy. Ol alǵashqy kómek kórsetýge tyrysyp, meditsinalyq járdem shaqyrǵan. Kelgen jedel járdem qyzmeti Aǵadildiń kóz jumǵanyn tirkeidi. Denesin qaraý kezinde zorlyq-zombylyq áreketteri anyqtalmady", - dep habarlady vedomstvo ókili.
Eske salaiyq, buǵan deiin Nur-Sultanda tergeý izoliatorynda qoǵam belsendisi Dýlat Aǵadil qaitys bolǵany habarlanǵan edi. Sot saraptamasy qorytyndysy onyń ustalǵan kezde mas kúide bolǵanyn kórsetti.
Politseilerdiń málimetinshe, óilmniń aldyn ala sebebi - júrek-qan tamyr jetkiliksizdigi. Denesinde eshqandai jaraqat bolmaǵan. Sotqa deiingi tergeý bastaldy.
