Qazaqstanda 2024 jyldyń 1 maýsymynan bastap bosandyrý, akýsherlik operatsiialar, salmaǵy tómen jańa týǵan nárestelerdi kútý jáne pediatriialyq qyzmetterdiń tarifteri 36 paiyzǵa ósedi, dep habarlaidy Dalanews.kz.
"Máselen, aýyr diagnoz kezinde jasalatyn kesar tiligi otasynyń baǵasy 323 myń teńgeden 440 myń teńgege deiin ósip, tarif 36%-ǵa artqan. Atalǵan maqsattarǵa qosymsha 20 mlrd teńge bólindi. Bul qarjy meditsinalyq uiymdardyń qaryzyn azaityp, naqty shyǵyndaryn óteýge múmkindik berdi, sondai-aq qymbat dárilik preparattarǵa qoljetimdilikti arttyryp, tájiribeli mamandardy ustap qalýǵa jaǵdai jasaidy", - deidi QR Densaýlyq saqtaý ministri Aqmaral Álnazarova.
Onyń aitýynsha, meditsinalyq aviatsiia arqyly kórsetilgen shuǵyl kómek sharalarynyń arqasynda áielder men balalardyń 96%-ynyń ómirin saqtap qalýǵa múmkindik týǵan.
2024 jyldan bastap bosandyrý jáne balalarǵa arnalǵan meditsinalyq uiymdardyń jabdyqtalýy 87%-ǵa deiin jaqsaryp, meditsinalyq tehnikanyń tozýy 37%-ǵa tómendegen.
