قازاقستاندا 2024 جىلدىڭ 1 ماۋسىمىنان باستاپ بوساندىرۋ، اكۋشەرلىك وپەراسيالار، سالماعى تومەن جاڭا تۋعان نارەستەلەردى كۇتۋ جانە پەدياتريالىق قىزمەتتەردىڭ تاريفتەرى 36 پايىزعا وسەدى، دەپ حابارلايدى Dalanews.kz.
"ماسەلەن، اۋىر دياگنوز كەزىندە جاسالاتىن كەسار تىلىگى وتاسىنىڭ باعاسى 323 مىڭ تەڭگەدەن 440 مىڭ تەڭگەگە دەيىن ءوسىپ، تاريف 36%-عا ارتقان. اتالعان ماقساتتارعا قوسىمشا 20 ملرد تەڭگە ءبولىندى. بۇل قارجى مەديسينالىق ۇيىمداردىڭ قارىزىن ازايتىپ، ناقتى شىعىندارىن وتەۋگە مۇمكىندىك بەردى، سونداي-اق قىمبات دارىلىك پرەپاراتتارعا قولجەتىمدىلىكتى ارتتىرىپ، تاجىريبەلى مامانداردى ۇستاپ قالۋعا جاعداي جاسايدى"، - دەيدى ق ر دەنساۋلىق ساقتاۋ ءمينيسترى اقمارال ءالنازاروۆا.
ونىڭ ايتۋىنشا، مەديسينالىق اۆياسيا ارقىلى كورسەتىلگەن شۇعىل كومەك شارالارىنىڭ ارقاسىندا ايەلدەر مەن بالالاردىڭ 96%-ىنىڭ ءومىرىن ساقتاپ قالۋعا مۇمكىندىك تۋعان.
2024 جىلدان باستاپ بوساندىرۋ جانە بالالارعا ارنالعان مەديسينالىق ۇيىمداردىڭ جابدىقتالۋى 87%-عا دەيىن جاقسارىپ، مەديسينالىق تەحنيكانىڭ توزۋى 37%-عا تومەندەگەن.
