Oqý-aǵartý ministri Juldyz Súleimenova jekemenshik mektepterge qatysty jańa sheshim qabyldanǵanyn málimdedi, dep habarlaidy Dalanews.kz.
Onyń aitýynsha, Oqý-aǵartý ministrliginde jekemenshik mektepterge memlekettik tapsyrysty ornalastyrýǵa arnalǵan birlesken buiryqqa qol qoiylǵan.
Ministrdiń sózinshe, qujat barlyq 20 óńirdiń ákimdikterimen kelisilgen. Bul – Qarjy ministri men Oqý-aǵartý ministri bekitken birlesken buiryq.
«Búginnen bastap buiryqty barlyq 20 óńirdiń ákimdigi óz deńgeiinde tirkeýdi bastaidy. Qarjy jergilikti atqarýshy organdardyń qarajaty bolyp sanalady. Ákimdikter bul qarjyny Qarjy ortalyǵyna aýdarady. Al Qarjy ortalyǵy jekemenshik mektepterge memlekettik tapsyrysty ornalastyrýdyń operatory bolady», – dedi ol.
Súleimenovanyń aitýynsha, Oqý-aǵartý ministrligi óz tarapynan barlyq normativtik jáne uiymdastyrýshylyq jumystardy tolyq oryndaǵan.
«Sondyqtan qazirgi ýaqytta bul máselege qatysty sheshilmegen túitkilder joq deýge bolady. Buiryqqa qol qoiyldy», – dedi ministr.
