– Qazirgi ýaqytta taýar satýshylardyń keibiri Qytaimen shekara jabylǵanyn aityp, taýar baǵasyn qymbattata bastady. Osyǵan bailanysty Qazaqstan Qytaidan taýar ákelýdi jáne Qytaiǵa taýar jóneltýdi toqtatpaǵanyn habarlaimyn. Bul – baǵany kóterý maqsatymen jasalǵan josyqsyz áreket, – dedi ministr.
Buǵan deiin Qazaqstan biligi 27 qańtarda Qytaimen birneshe baǵyt boiynsha avtobýs qatynasy, 1 aqpannan bastap eki el arasyndaǵy temir jol qatynasy ýaqytsha toqtaǵanyn málimdegen. Al dúisenbide Qazaqstan men Qytai arasynda áýe qatynasy da toqtatylǵany habarlandy.
Ministr «bazar nemese saýda ortalyǵynda baǵany qymbattatý týraly sóz bailasý faktilerine kýá bolǵan» tutynýshylardan ol týraly habarlaýyn ótindi.
Qytaida koronavirýstyń buryn belgisiz bolyp kelgen túri jappai taraýyna bailanysty birqatar el shekteý sharalaryn engizgen. 4 aqpandaǵy sońǵy málimeti boiynsha, osy kezge deiin Qytaida asa qaýipti koronavirýstan 425 adam qaitys bolǵan, virýs juqtyrǵandardyń jalpy sany 20 438 adamǵa jetken.
Dúniejúzilik densaýlyq saqtaý uiymy (DDSU) qańtardyń sońynda koronovirýsqa bailanysty halyqaralyq kólemde tótenshe jaǵdai jariialady.
