– Árbir adamnyń quqyǵy bar. Sonymen qatar zańdy da buzýǵa bolmaidy. Sondyqtan quqyq qorǵaý organdary máseleniń mán-jainy anyqtar degen oidamyn. Ózimniń kózqarasym – qandai istermen qandai sharýamen shuǵyldanýǵa qatysty ár adamnyń óz quqyǵy bar. Bul durys emes. Óitkeni ol kisilerge degen qoǵamnyń úlken jaýapkershiligi, súiispenshiligi bar. Sondyqtan osyndai nárselerge asa nazar aýdaryp, abai bolý kerek, – dedi Aqtoty Raiymqulova tilshilerge Úkimet otyrysynan keiin.
Eske sala ketsek, QR Ishki ister ministrligi qarjy piramidalary men lombardtarǵa aldanǵan qazaqstandyqtardan aryz-shaǵymdar áli de túsip jatqanyn málim etken bolatyn.
Salymshylardyń sanyn kóbeitý úshin kompaniialar Qazaqstan estradasynyń jáne sport salasynyń juldyzdaryn tartyp, aýqymdy jarnamalyq kompaniia júrgizgen.
– Búginge deiin 2 myńǵa tarta shaǵym tústi. Kompaniialardyń aimaqtardaǵy barlyq keńsesine tintý júrgizilip, birlesken jumys týraly kelisimder, býhgalterlik qujattar, noýtbýk, keńse tehnikasy, zergerlik buiymdar men ózge de zattar tárkilendi. Tárkilengen qujattarǵa sáikes kompaniialar 42 myń adammen kelisimge kelgen. Qazirgi esep boiynsha shyǵyn mólsheri 5 milliard 411 million teńge bolyp otyr, – delingen IIM habarlamasynda.
