– ءاربىر ادامنىڭ قۇقىعى بار. سونىمەن قاتار زاڭدى دا بۇزۋعا بولمايدى. سوندىقتان قۇقىق قورعاۋ ورگاندارى ماسەلەنىڭ ءمان-جاينى انىقتار دەگەن ويدامىن. ءوزىمنىڭ كوزقاراسىم – قانداي ىستەرمەن قانداي شارۋامەن شۇعىلدانۋعا قاتىستى ءار ادامنىڭ ءوز قۇقىعى بار. بۇل دۇرىس ەمەس. ويتكەنى ول كىسىلەرگە دەگەن قوعامنىڭ ۇلكەن جاۋاپكەرشىلىگى، سۇيىسپەنشىلىگى بار. سوندىقتان وسىنداي نارسەلەرگە اسا نازار اۋدارىپ، اباي بولۋ كەرەك، – دەدى اقتوتى رايىمقۇلوۆا تىلشىلەرگە ۇكىمەت وتىرىسىنان كەيىن.
ەسكە سالا كەتسەك، ق ر ىشكى ىستەر مينيسترلىگى قارجى پيراميدالارى مەن لومباردتارعا الدانعان قازاقستاندىقتاردان ارىز-شاعىمدار ءالى دە ءتۇسىپ جاتقانىن ءمالىم ەتكەن بولاتىن.
سالىمشىلاردىڭ سانىن كوبەيتۋ ءۇشىن كومپانيالار قازاقستان ەستراداسىنىڭ جانە سپورت سالاسىنىڭ جۇلدىزدارىن تارتىپ، اۋقىمدى جارنامالىق كومپانيا جۇرگىزگەن.
– بۇگىنگە دەيىن 2 مىڭعا تارتا شاعىم ءتۇستى. كومپانيالاردىڭ ايماقتارداعى بارلىق كەڭسەسىنە ءتىنتۋ جۇرگىزىلىپ، بىرلەسكەن جۇمىس تۋرالى كەلىسىمدەر، بۋحگالتەرلىك قۇجاتتار، نوۋتبۋك، كەڭسە تەحنيكاسى، زەرگەرلىك بۇيىمدار مەن وزگە دە زاتتار تاركىلەندى. تاركىلەنگەن قۇجاتتارعا سايكەس كومپانيالار 42 مىڭ اداممەن كەلىسىمگە كەلگەن. قازىرگى ەسەپ بويىنشا شىعىن مولشەرى 5 ميلليارد 411 ميلليون تەڭگە بولىپ وتىر، – دەلىنگەن ءىىم حابارلاماسىندا.
