Ministr Omarov: "Ábishev ustaldy ma? Meniń qatysym qansha?"
Paraqorlyq, jemqorlyq degenimiz - dert. Bul aýrýdan arylý qajet.
Ministrdiń orynbasary ustalsa, ministr de jaýapqa tartylý kerek dep júrgender bar. Óz basym munymen múlde kelispeimin
- dedi ustalǵan Sý komitetiniń tóraǵasyna qatysty oiyn ortaǵa salǵan Omarov.
Ministr memlekettik qyzmetkerler saiasi salada jumys isteitinin jaqsy biletinin atap ótip, onyń ishinde óz orynbasarlary jumysqa turar aldynda memlekettik tekserýden ótkenin tilge tiek etti.
"Ol (Islam Ábishev) buǵan bilip bardy ǵoi. Janynda erip, qolynan jetektep júrsem bir jón.
Bizdiń ministrlikte korrýptsiiaǵa qarsy barlyq amal-sharǵy jasalǵan.
Jańaǵy jaǵdaidan keiin ministrlikke qarasty komitet qyzmetkerleriniń basyn qosyp jiyn-shara ótkizdik. Túsindirý jumysyn júrgizdik. Orynbasarlarym ár apta saiyn esep berip júr" dep sendirdi sala basshysy.
Sý resýrstary komitetiniń tóraǵasy Islam Ábishev bopsalaý arqyly 60 mln teńge para aldy dep kúdikke ilingen.
16 naýryzda Ábishevke qatysty bultartpaý sharasy qoldanylyp, qamaýǵa alynǵan. Tergeý jalǵasýda.
