مينيستر وماروۆ: "ەبٸشەۆ ۇستالدى ما? مەنٸڭ قاتىسىم قانشا?"
پاراقورلىق, جەمقورلىق دەگەنٸمٸز - دەرت. بۇل اۋرۋدان ارىلۋ قاجەت.
مينيستردٸڭ ورىنباسارى ۇستالسا, مينيستر دە جاۋاپقا تارتىلۋ كەرەك دەپ جٷرگەندەر بار. ٶز باسىم مۇنىمەن مٷلدە كەلٸسپەيمٸن
- دەدٸ ۇستالعان سۋ كوميتەتٸنٸڭ تٶراعاسىنا قاتىستى ويىن ورتاعا سالعان وماروۆ.
مينيستر مەملەكەتتٸك قىزمەتكەرلەر ساياسي سالادا جۇمىس ٸستەيتٸنٸن جاقسى بٸلەتٸنٸن اتاپ ٶتٸپ, ونىڭ ٸشٸندە ٶز ورىنباسارلارى جۇمىسقا تۇرار الدىندا مەملەكەتتٸك تەكسەرۋدەن ٶتكەنٸن تٸلگە تيەك ەتتٸ.
"ول (يسلام ەبٸشەۆ) بۇعان بٸلٸپ باردى عوي. جانىندا ەرٸپ, قولىنان جەتەكتەپ جٷرسەم بٸر جٶن.
بٸزدٸڭ مينيسترلٸكتە كوررۋپتسيياعا قارسى بارلىق امال-شارعى جاسالعان.
جاڭاعى جاعدايدان كەيٸن مينيسترلٸككە قاراستى كوميتەت قىزمەتكەرلەرٸنٸڭ باسىن قوسىپ جيىن-شارا ٶتكٸزدٸك. تٷسٸندٸرۋ جۇمىسىن جٷرگٸزدٸك. ورىنباسارلارىم ەر اپتا سايىن ەسەپ بەرٸپ جٷر" دەپ سەندٸردٸ سالا باسشىسى.
سۋ رەسۋرستارى كوميتەتٸنٸڭ تٶراعاسى يسلام ەبٸشەۆ بوپسالاۋ ارقىلى 60 ملن تەڭگە پارا الدى دەپ كٷدٸككە ٸلٸنگەن.
16 ناۋرىزدا ەبٸشەۆكە قاتىستى بۇلتارتپاۋ شاراسى قولدانىلىپ, قاماۋعا الىنعان. تەرگەۋ جالعاسۋدا.
