Ministr myrza, Dimashtan aqshany aiamańyz!
Ministrdiń aitýynsha, Dimash Qudaibergenniń gonorary az bolmaidy.
– Ánshilerdiń gonorarlary týraly aitar bolsam, olardyń deńgeilerine qarai gonorar kólemi belgilenedi. Máselen, bas ánshisiniń gonorary deńgeiine sáikes joǵary bolady. Dimashtyń qalamaqysy qansha ekenin tolyq aita almaimyn, biraq onyń kóńili tolatynda etip beremiz. Bul ánshiniń jeke máselesi bolǵandyqtan naqty somany atai almaimyn. Kelisim-shartta bári jeke ózimen sheshiletin bolǵandyqtan, men bul tártipti buza almaimyn, – deidi ministr.
Onyń aitýynsha, kontsert alǵash ret ótkeli otyr.
– Másele qalamaqyda da emes. Bul kontsert bizde alǵash ret uiymdastyrylyp jatyr. Bizde «Mýzart» sekildi tanymal oryndaýshylar bar. Alaida bul joly tuńǵysh ret 30 myń adamnyń bári bir ánshiniń ónerin tamashalaityn bolady, – deidi ol.
Arystanbek Muxamediulynyń aitýynsha, Astanada ótetin Dimash Qudaibergenniń kontsertinde basqa da tanymal estrada juldyzdary óner kórsetedi.
– Biz qytailyq Hunan TV arnasymen kelisimshartty rásimdedik. Shoý óte qyzyqty bolady. Sebebi oǵan úzdik rejisserler tartylýda. Qazirgi kezde biz estradalyq-simfoniialyq orkestrdi jasaqtadyq. Dirijerdi de anyqtap qoidyq. Al Dimashpen birge án aitatyn ártister týraly ázirge eshteńe aita almaimyn. Óitkeni kelisimshart talaptary naqtylanýda, – dedi Muxamediuly búgin jýrnalisterge bergen suxbatynda.
Derekkózi: stan.kz
