ءمينيستردىڭ ايتۋىنشا، ديماش قۇدايبەرگەننىڭ گونورارى از بولمايدى.
– انشىلەردىڭ گونورارلارى تۋرالى ايتار بولسام، ولاردىڭ دەڭگەيلەرىنە قاراي گونورار كولەمى بەلگىلەنەدى. ماسەلەن، باس ءانشىسىنىڭ گونورارى دەڭگەيىنە سايكەس جوعارى بولادى. ديماشتىڭ قالاماقىسى قانشا ەكەنىن تولىق ايتا المايمىن، ءبىراق ونىڭ كوڭىلى تولاتىندا ەتىپ بەرەمىز. بۇل ءانشىنىڭ جەكە ماسەلەسى بولعاندىقتان ناقتى سومانى اتاي المايمىن. كەلىسىم-شارتتا ءبارى جەكە وزىمەن شەشىلەتىن بولعاندىقتان، مەن بۇل ءتارتىپتى بۇزا المايمىن، – دەيدى مينيستر.
ونىڭ ايتۋىنشا، كونسەرت العاش رەت وتكەلى وتىر.
– ماسەلە قالاماقىدا دا ەمەس. بۇل كونسەرت بىزدە العاش رەت ۇيىمداستىرىلىپ جاتىر. بىزدە «مۋزارت» سەكىلدى تانىمال ورىنداۋشىلار بار. الايدا بۇل جولى تۇڭعىش رەت 30 مىڭ ادامنىڭ ءبارى ءبىر ءانشىنىڭ ونەرىن تاماشالايتىن بولادى، – دەيدى ول.
ارىستانبەك مۇxامەدي ۇلىنىڭ ايتۋىنشا، استانادا وتەتىن ديماش قۇدايبەرگەننىڭ كونسەرتىندە باسقا دا تانىمال ەسترادا جۇلدىزدارى ونەر كورسەتەدى.
– ءبىز قىتايلىق Hunan TV ارناسىمەن كەلىسىمشارتتى راسىمدەدىك. شوۋ وتە قىزىقتى بولادى. سەبەبى وعان ۇزدىك رەجيسسەرلەر تارتىلۋدا. قازىرگى كەزدە ءبىز ەسترادالىق-سيمفونيالىق وركەستردى جاساقتادىق. ديريجەردى دە انىقتاپ قويدىق. ال ديماشپەن بىرگە ءان ايتاتىن ارتىستەر تۋرالى ازىرگە ەشتەڭە ايتا المايمىن. ويتكەنى كەلىسىمشارت تالاپتارى ناقتىلانۋدا، – دەدى مۇxامەدي ۇلى بۇگىن جۋرناليستەرگە بەرگەن سۇxباتىندا.
دەرەككوزى: stan.kz
