Densaýlyq saqtaý ministri Aqmaral Álnazarova ushaqta jaǵdaiy nasharlaǵan jolaýshyǵa kómektesken, dep habarlaidy Dalanews.kz.
Oqiǵa Astana – Almaty baǵytyna ushatyn reiste bolǵan. Ministr ózin kenet jaisyz sezingen jolaýshyǵa kómek kórsetken.
Oqiǵaǵa kýá bolǵan jolaýshynyń áleýmettik jelidegi jazbasyna qaraǵanda, jaǵdai tańerteń, ushaq áli ushýǵa daiyndalyp jatqan sátte bolǵan. Jolaýshy qyzdyń hali kúrt nasharlap, ol dárigerdi shaqyrǵan.
Sol kezde qasyndaǵy áiel onyń qan qysymyn ólshep, qajetti dáriler men sý, shai berip, jaǵdaiynyń jaqsarǵanyn baqylaǵan. Tekserýden keiin jolaýshyǵa ushýdy jalǵastyrýǵa ruqsat berilgen.
Al kómektesken adamnyń Densaýlyq saqtaý ministri Aqmaral Álnazarova ekeni kýáger keiin ǵana bilgen.
