Densaýlyq saqtaý ministri Aqmaral Álnazarova áleýmettik jelilerde kókjótelge qarsy vaktsinalar tańdaýyna bailanysty taraǵan daýly aqparatqa túsinikteme berdi. Ministr bul máselede qabyldanatyn sheshimder tolyq ǵylymi negizge súienetinin jáne zańmen qatań retteletinin atap ótti, dep habarlaidy Dalanews.kz.
«Qazaqstandaǵy vaktsina tańdaýy - ǵylymi dáleldengen standart»
Álnazarova óz málimdemesinde:
«Qazaqstanda Ulttyq egý kúntizbesine sáikes qoldanylatyn vaktsinalar tizimin qalyptastyrý - árdaiym jan-jaqty tarazylanatyn, ǵylymi negizdelgen jáne zańmen qatań retteletin sheshim», - dep jazdy.
Ministrdiń aitýynsha, elimizde kókjótelge qarsy jasýshasyz vaktsina 2013 jyldan beri qoldanylyp keledi. Bul - «kezdeisoqtyq ta, bireýdiń jeke tańdaýy da emes», halyqaralyq deńgeide qaýipsiz ári tiimdi dep tanylǵan standart.
«Jasýshasyz vaktsinalar álemniń 30-dan astam damyǵan elinde - búkil Eýropada derlik, Avstriia, Daniia, Germaniia, Italiia jáne basqa memleketterde, sondai-aq AQSh, Kanada, Japoniia, Ońtústik Koreiada qoldanylady», - dedi ministr.
Onyń sózinshe, Qazaqstanda osy vaktsinalarmen 7 jasqa deiingi balalarǵa 21 millionnan astam egý jasalǵan, preparatqa bailanysty birde-bir aýyr reaktsiia tirkelmegen.
Vaktsina baǵasyna qatysty pikir - «jalǵan»
Ministr áleýmettik jelilerde vaktsinalardyń qymbatqa satyp alynady degen pikirge de toqtaldy.
«Navlin halyqaralyq platformasynyń derekterine sáikes, dál Qazaqstanda referentti eldermen salystyrǵanda vaktsinalardyń eń tómen baǵasy tirkelgen», - dep jazdy Álnazarova.
Ol atap ótkendei, platforma Ázerbaijan, Belarýs, Bolgariia, Vengriia, Qyrǵyzstan, Polsha, Resei, Sloveniia, Túrkiia jáne Ózbekstan siiaqty elder boiynsha baǵa salystyrýdy júrgizedi.
«Ádildik jolyna» talap joldandy
Ministrlik áleýmettik jelilerde jalǵan aqparat taratty dep eseptegen «Ádildik joly» qoǵamdyq birlestiginiń atqarýshy direktory Didar Smaǵulovqa sotqa deiingi talap qoiǵan.
«Bul jariialanymdy men tek Ministrliktiń iskerlik bedeline nuqsan keltirý ǵana emes, sonymen qatar eldiń densaýlyq saqtaý júiesine jáne vaktsinatsiia ideologiiasyna degen azamattardyń senimine nuqsan keltirý dep qabyldaimyn», - dep jazdy ministr.
Talapta uiymnan taratylǵan aqparatty resmi túrde teriske shyǵarý suralǵan. Belgilengen merzimde ol oryndalmasa, ministrlik sotqa júginbek.
«Bizdiń basymdyq - azamattardyń densaýlyǵy, ashyq ári adal jumys. Biz árdaiym dáleldi meditsinaǵa jáne halyqaralyq standarttarǵa súienemiz. Bul máselede biz eshqandai manipýliatsiiaǵa nemese faktilerdi burmalaýǵa jol bermeimiz», - deidi ministr.
