Qazaqstannyń mikroqarjy uiymdarynyń (MQU) kredittik portfeli 2024 jylǵy qarashada bir aida 2,5%-ǵa, al jyl basynan beri 21,9%-ǵa ulǵaiyp, 1,5 trln teńgeden sál asty. Onyń 84 paiyzyn jeke tulǵalar, iaǵni qarapaiym el azamattary alǵan, dep jazady Dalanews.kz Finprom sarapshylaryna silteme jasap.
Merzimi ótken bereshegi bar mikrokreditter kólemi bir aida 7,4% ǵa, 287,3 mlrd teńgege deiin (nemese kredittik portfeldiń 18,9% - y) qysqardy, bul rette jyl basynan beri ol birden 31% ósimdi kórsetti.
Merzimi ótken bereshegi 90 kúnnen asatyn mikrokreditter kólemi 107,4 mlrd teńgeni qurap, bir aida 16%-ǵa azaidy, bul rette jyl basynan beri birden 39,9% ósim baiqalady.
"Problemalyq" mikrokreditterdiń úlesi 2024 jylǵy qazan aiyndaǵy 8,6%-dan qarashada 7,1%-ǵa deiin tómendedi. Alaida, 2023 jyldyń jeltoqsanynda mundai "nashar" qaryzdardyń úles salmaǵy tek 6,2%-dy quraǵanyn atap ótken jón.
MQU negizinen jeke tulǵalarǵa nesie beredi. Máselen, halyqqa berilgen mikrokreditterdiń kólemi 2024 jyldyń qarasha aiynyń sońynda 1,3 trln teńgeni qurady, al bul bir ai burynǵy tsifrǵa qaraǵanda 2,7%-ǵa artyq.
Jeke kásipkerlerge berilgen shaǵyn nesieler kólemi 188,8 mlrd teńgeni qurady, bir aidaǵy ósim - 2%. Zańdy tulǵalarǵa berilgen mikrokreditterdiń kólemi, óz kezeginde, tek 42,3 mlrd teńgeni qurady: bir ai burynǵyǵa qaraǵanda 3,2%-ǵa az.
Elimizdegi MQU kredittik portfeliniń qurylymynda merzimi ótken bereshegi 90 kúnnen asatyn mikrokreditterdiń eń kóp úlesi jeke tulǵalarǵa tiesili: 7,7%, bir ai burynǵyǵa qaraǵanda (9,6%) áldeqaida az bolǵanymen, biraq jyl basymen (6,6%) salystyrǵanda áldeqaida kóp.
Bul rette 2024 jyldyń qyrkúieginde jeke tulǵalarǵa berilgen osyndai "problemalyq" mikrokreditterdiń úlesi birden 10,3%-ǵa jetti. Zańdy tulǵalarǵa 90 kúnnen astam merzimi ótken bereshegi bar mikrokreditterdiń úlesi 5%-dy quraidy, al jeke kásipkerler eń jaýaptysy bolyp otyr. Olar segmenttegi barlyq portfeldiń tek 4%-yn qamtidy.
Buǵan deiin Qazaqstannyń bank sektorynda problemalyq zaemdar kóbeigeniń, al halyq aqsha saqtaǵanda teńgeden góri (syiaqy mólsherlemesi tartymdy bolǵanyna qaramastan) shetel valiýtasyna basymdyq bere bastaǵanyn jazǵan bolatynbyz. Bul rette Halyk Finance saraptama ortalyǵynyń jariialaǵan zertteýinen derekter keltirilgen.
