قازاقستاننىڭ ميكروقارجى ۇيىمدارىنىڭ (مقۇ) كرەديتتىك پورتفەلى 2024 جىلعى قاراشادا ءبىر ايدا 2،5%-عا، ال جىل باسىنان بەرى 21،9%-عا ۇلعايىپ، 1،5 ترلن تەڭگەدەن ءسال استى. ونىڭ 84 پايىزىن جەكە تۇلعالار، ياعني قاراپايىم ەل ازاماتتارى العان، دەپ جازادى Dalanews.kz Finprom ساراپشىلارىنا سىلتەمە جاساپ.

مەرزىمى وتكەن بەرەشەگى بار ميكروكرەديتتەر كولەمى ءبىر ايدا 7،4% عا، 287،3 ملرد تەڭگەگە دەيىن (نەمەسە كرەديتتىك پورتفەلدىڭ 18،9% - ى) قىسقاردى، بۇل رەتتە جىل باسىنان بەرى ول بىردەن 31% ءوسىمدى كورسەتتى.

مەرزىمى وتكەن بەرەشەگى 90 كۇننەن اساتىن ميكروكرەديتتەر كولەمى 107،4 ملرد تەڭگەنى قۇراپ، ءبىر ايدا 16%-عا ازايدى، بۇل رەتتە جىل باسىنان بەرى بىردەن 39،9% ءوسىم بايقالادى.

"پروبلەمالىق" ميكروكرەديتتەردىڭ ۇلەسى 2024 جىلعى قازان ايىنداعى 8،6%-دان قاراشادا 7،1%-عا دەيىن تومەندەدى. الايدا، 2023 جىلدىڭ جەلتوقسانىندا مۇنداي "ناشار" قارىزداردىڭ ۇلەس سالماعى تەك 6،2%-دى قۇراعانىن اتاپ وتكەن ءجون.

مقۇ نەگىزىنەن جەكە تۇلعالارعا نەسيە بەرەدى. ماسەلەن، حالىققا بەرىلگەن ميكروكرەديتتەردىڭ كولەمى 2024 جىلدىڭ قاراشا ايىنىڭ سوڭىندا 1،3 ترلن تەڭگەنى قۇرادى، ال بۇل ءبىر اي بۇرىنعى سيفرعا قاراعاندا 2،7%-عا ارتىق.

جەكە كاسىپكەرلەرگە بەرىلگەن شاعىن نەسيەلەر كولەمى 188،8 ملرد تەڭگەنى قۇرادى، ءبىر ايداعى ءوسىم - 2%. زاڭدى تۇلعالارعا بەرىلگەن ميكروكرەديتتەردىڭ كولەمى، ءوز كەزەگىندە، تەك 42،3 ملرد تەڭگەنى قۇرادى: ءبىر اي بۇرىنعىعا قاراعاندا 3،2%-عا از.

ەلىمىزدەگى مقۇ كرەديتتىك پورتفەلىنىڭ قۇرىلىمىندا مەرزىمى وتكەن بەرەشەگى 90 كۇننەن اساتىن ميكروكرەديتتەردىڭ ەڭ كوپ ۇلەسى جەكە تۇلعالارعا تيەسىلى: 7،7%، ءبىر اي بۇرىنعىعا قاراعاندا (9،6%) الدەقايدا از بولعانىمەن، ءبىراق جىل باسىمەن (6،6%) سالىستىرعاندا الدەقايدا كوپ.

بۇل رەتتە 2024 جىلدىڭ قىركۇيەگىندە جەكە تۇلعالارعا بەرىلگەن وسىنداي "پروبلەمالىق" ميكروكرەديتتەردىڭ ۇلەسى بىردەن 10،3%-عا جەتتى. زاڭدى تۇلعالارعا 90 كۇننەن استام مەرزىمى وتكەن بەرەشەگى بار ميكروكرەديتتەردىڭ ۇلەسى 5%-دى قۇرايدى، ال جەكە كاسىپكەرلەر ەڭ جاۋاپتىسى بولىپ وتىر. ولار سەگمەنتتەگى بارلىق پورتفەلدىڭ تەك 4%-ىن قامتيدى.

بۇعان دەيىن قازاقستاننىڭ بانك سەكتورىندا پروبلەمالىق زاەمدار كوبەيگەنىڭ، ال حالىق اقشا ساقتاعاندا تەڭگەدەن گورى (سىياقى مولشەرلەمەسى تارتىمدى بولعانىنا قاراماستان) شەتەل ۆاليۋتاسىنا باسىمدىق بەرە باستاعانىن جازعان بولاتىنبىز. بۇل رەتتە Halyk Finance ساراپتاما ورتالىعىنىڭ جاريالاعان زەرتتەۋىنەن دەرەكتەر كەلتىرىلگەن.