Qazaqstandaǵy mikroqarjy uiymdary (MQU) sektory oryn alyp otyrǵan ekonomikalyq qiynshylyqtarǵa qaramastan qarqyndy ósý ústinde. 2025 jyldyń 1 shildedegi jaǵdai boiynsha elimizde arnaiy litsenziiaǵa ie 212 MQU jumys isteidi. Olardyń jiyntyq aktivi jarty jyl ishinde 13%-ǵa ósip, 1,94 trln teńgeni qurady, al aqshalai qarajaty 29%-ǵa ósken. Bul kezde ózge qarjylyq uiymdarda atalǵan kórsetkish, kerisinshe 21%-ǵa qysqarǵan, dep habarlaidy Dalanews.kz.
Qarjy naryǵyn retteý jáne damytý agenttigi jariialaǵan esepte, basty ósimdi jalpy aktivterdiń 79%-yn quratyn shaǵyn nesie qamtamasyz etken, onyń ósimi - 13%.
Nesie qorjyny 1,74 teńgege jetti (+13%), onda da shaǵyn nesielerdiń 20%-y - ýaqytyly tólenbei jatqandar.
61–90 kúnge deiin tólemi keshiktirilip jatqan zaimdar 40,8%-dy quraidy. Jalpy ýaqytynan keshiktirilgen qaryz kólemi 295,6 mldr teńgeden 348,3 mlrd teńgege jetken.
MQU-nyń mindettemeleri jarty jylda 14,6%-ǵa artyp, 1,42 trln teńgeni qurady. Onyń basym bóligi (66%) - qaryzdy qamtamasyz etetin qundy qaǵazdar boiynsha uiymdar alǵan zaimdar.
MQU-lardyń menshikti kapitaly 7,7%-ǵa ósip, 515 mlrd teńgeni qurady. Ásirese, qor (89,6%) men ótken jyldarda bólinip berilmegen tabystar (65,2%) kózge birden túsedi.
Sektordyń tabysy 18%-ǵa ósip, 411,6 mlrd teńgeni qamtydy. Onda da syiaqy tólemimen bailanysty emesi 24,4%-ǵa, al ózge tabystar 69,1%-ǵa artqan. Shyǵyn da 21,4%-ǵa ósip, taza paida jyldyń basyndaǵy deńgei - 49,6 mlrd teńge kúiinde qalyp otyr.
Buǵan deiin KMF mikroqarjy uiymy banktik litsenziiaǵa ie bolǵanyn jazǵanbyz. Jańa bank "KMF Bank" AQ ataýyna ie. Osylaisha KMF Qazaqstandaǵy 23-shi bank boldy.
Buǵan deiin tórt mikroqarjy uiymdary bankke ainalýǵa niet bildirgen bolatyn: BNK Finance Kazakhstan, "Onlain QazQarjy" (Solva brendimen), KMF jáne "Bereke". Olardyń barlyǵy qazirdiń ózinde JShS–dan AQ-ǵa ótip úlgergen. BNK Finance Kazakhstan MQU 2025 jylǵy maýsymda bank boldy.
