Ulttyq taǵamdardy dáripteýshi, tanymal aspaz Muhit Álibekov eks-prezident Nursultan Nazarbaevqa daiyndap berip, kezdesken kezi týraly aitty, - dep habarlaidy Dalanews.kz.
Aspazdyń sózinshe, eń alǵash Nazarbaevpen Raiymbek batyrdyń 300-jyldyǵynda kezdesken.
«Sonda ataqty, myqty adamdar qazaq úi tigip, meni apardy. Men baryp as daiyndadym.
Nazarbaev Serik Úmbetovpen keldi. Almaty oblysy ákiminiń birinshi orynbasary sasqalaqtap, ý-shý bolyp, artynan qaitadan meni kirgizdi. Aldynda (Nazarbaevtyń) etti týrap berdim. Eń birinshi bastaǵanym sol kez boldy», - deidi Muhit Álibekov Ashyq Podcast Youtube-arnasyna bergen suhbatynda.
Aspaz bul oqiǵadan keiin de 6-7 ret Nazarbaevqa as ázirlep bergen eken.
«Meni maqtady. Ol kezde janynda turmaq túgili, kózimen kórmek túgili, alystan qashyp júretinder bolǵan. Qolymdy alyp «Jaraisyń, tamaǵyń óte dámdi» dedi. Eń sońǵy ret Eksponyń ashylýynda, 2017 jyly Amandyq Batalovtyń ózi meni alyp bardy. Qazan-oshaq pen bárin tiep aparyp, 5 kún boiy tamaq jasadyq. Qanshama diplomat, qanshama myqtylar boldy. Ol kezde Saǵyntaev Úkimet basshysy. Bári tamaqtanyp ketti. Batalovtyń ózi meniń qolymdy alyp, marapatyn aitty. Sol kezde prezident apparatyndaǵylar da «aǵa, qalyńyz, barlyq jaǵdai jasalady» degende bir aýyz jaýap bergen joqpyn.
Nazarbaevtyń jeke aspazy bolý usynysy jasaldy. Bas tarttym, sebebi men dalanyń, halyqtyń adamymyn. Men eshkimge baǵynyshty emespin. Óz aldyma jospar qoiyp, jumys isteitin adammyn», - deidi aspaz.
