ۇلتتىق تاعامداردى دەرٸپتەۋشٸ, تانىمال اسپاز مۇحيت ەلٸبەكوۆ ەكس-پرەزيدەنت نۇرسۇلتان نازارباەۆقا دايىنداپ بەرٸپ, كەزدەسكەن كەزٸ تۋرالى ايتتى, - دەپ حابارلايدى Dalanews.kz.
اسپازدىڭ سٶزٸنشە, ەڭ العاش نازارباەۆپەن رايىمبەك باتىردىڭ 300-جىلدىعىندا كەزدەسكەن.
«سوندا اتاقتى, مىقتى ادامدار قازاق ٷي تٸگٸپ, مەنٸ اپاردى. مەن بارىپ اس دايىندادىم.
نازارباەۆ سەرٸك ٷمبەتوۆپەن كەلدٸ. الماتى وبلىسى ەكٸمٸنٸڭ بٸرٸنشٸ ورىنباسارى ساسقالاقتاپ, ۋ-شۋ بولىپ, ارتىنان قايتادان مەنٸ كٸرگٸزدٸ. الدىندا (نازارباەۆتىڭ) ەتتٸ تۋراپ بەردٸم. ەڭ بٸرٸنشٸ باستاعانىم سول كەز بولدى», - دەيدٸ مۇحيت ەلٸبەكوۆ Ashyq Podcast Youtube-ارناسىنا بەرگەن سۇحباتىندا.
اسپاز بۇل وقيعادان كەيٸن دە 6-7 رەت نازارباەۆقا اس ەزٸرلەپ بەرگەن ەكەن.
«مەنٸ ماقتادى. ول كەزدە جانىندا تۇرماق تٷگٸلٸ, كٶزٸمەن كٶرمەك تٷگٸلٸ, الىستان قاشىپ جٷرەتٸندەر بولعان. قولىمدى الىپ «جارايسىڭ, تاماعىڭ ٶتە دەمدٸ» دەدٸ. ەڭ سوڭعى رەت ەكسپونىڭ اشىلۋىندا, 2017 جىلى اماندىق باتالوۆتىڭ ٶزٸ مەنٸ الىپ باردى. قازان-وشاق پەن بەرٸن تيەپ اپارىپ, 5 كٷن بويى تاماق جاسادىق. قانشاما ديپلومات, قانشاما مىقتىلار بولدى. ول كەزدە ساعىنتاەۆ ٷكٸمەت باسشىسى. بەرٸ تاماقتانىپ كەتتٸ. باتالوۆتىڭ ٶزٸ مەنٸڭ قولىمدى الىپ, ماراپاتىن ايتتى. سول كەزدە پرەزيدەنت اپپاراتىنداعىلار دا «اعا, قالىڭىز, بارلىق جاعداي جاسالادى» دەگەندە بٸر اۋىز جاۋاپ بەرگەن جوقپىن.
نازارباەۆتىڭ جەكە اسپازى بولۋ ۇسىنىسى جاسالدى. باس تارتتىم, سەبەبٸ مەن دالانىڭ, حالىقتىڭ ادامىمىن. مەن ەشكٸمگە باعىنىشتى ەمەسپٸن. ٶز الدىما جوسپار قويىپ, جۇمىس ٸستەيتٸن اداممىن», - دەيدٸ اسپاز.
