Óitkeni, odan shyǵyp jatqan nátije shamaly. Májilismender, ásirese aiyppuldardyń kólemin azaitý kerek degen pikirde. Tek bul bastamany – zańdy daiyndaityn Ishki ister ministrligi qoldaǵan joq.
Kúndiz sham jaǵyp júrý, rólde uialy telefonmen sóilespeý sekildi daýly jol erejeleri talai túsinbeýshilik týdyryp keledi. Myńdaǵan júrgizýshini tiynnan taryqtyrǵan erejelerden depýtattar da zardap shegip jatqan syńaily. Olar keibir aiyppuldy jeńildetip, daýly erejelerdi alyp tastaýdy usyndy.
– Aiyppul mólsheri jylda ósip barady. Jurttyń jalaqysy soǵan ilesip úlgermeýede. Sondyqtan qaýipsizdik beldigin taqpaǵany úshin jáne kólik nómeri kir bolsa salynatyn aiyppuldy jeńildetý kerek. Kúndiz shamdy jaǵyp júrý normasyn múldem alyp tastaǵan jón. Bunyń joldaǵy politseilerdiń qaltasyn qampaitqannan basqa paidasy joq, – deidi májilis depýtaty Muhtar Tinikeev.
Májilismenniń pikiri Ishki ister ministriniń orynbasaryna unaǵan joq. Tinikeevtyń usynysyna qarsy shyqqan Rashid Jaqypovqa, jol erejesi aqsha jinaý úshin emes, eń áýeli qaýipsizdik úshin jazylǵanyn eskertti.
– Árkim óz oiyn aitýǵa quqyly. Biraq, bizdi júrgizýshilerden aqsha jinaidy, jol saqshylarynyń barlyǵy paraqor dep aitýǵa bolmaidy, – deidi QR Ishki ister ministriniń orynbasary Rashid Jaqypov.
Osylai degen Jaqypov, bul usynystarǵa qarsy shyǵýynyń sebepterin de túsindirdi. Iaǵni, shamdy jaǵyp júrý qaýipsizdik úshin qajet. Al kórinbeitin nómir úshin de jazany jeńildetýge bolmaitynyn aitty. Óitkeni, ádeii solai istep, kameraǵa túsýden qashatyn júrgizýshiler kóp eken. Osy kezde Tinikeev taǵy bir usynys aitty.
– Olai bolsa, kósheden jol saqshylarynyń barlyǵyn alyp tastaiyq. Tek, foto-video kameralar qalsyn. Óitkeni olarmen kelisip para bere almaisyn. Onyń ústine qazir politseilerdiń barlyǵy kóshege nan tabýǵa shyǵady. Qylmyskerdi ustap júrgen bireýin kórmeisiń, – Májilis depýtaty Tinikeev.
Budan keiin, jazany jeńildetý ǵana emes, kerisinshe qataitýdy usynǵan depýtattar da tabyldy. Ásirese, Omarhan Óksikbaev buǵan deiin talai aitylyp júrgen, kólikte temeki shekpeý máselesin qozǵaǵan. Biraq, onyń usynysy qoǵam túgili qasyndaǵy áriptesterinen de qoldaý tapqan joq.
Qalǵan usynystarǵa qatysty sheshim aldaǵy otyrystarda qabyldanatyn bolady. Iaǵni, endi shamdy jaǵyp júrý erejesi alynyp, ózge daýly normalarǵa qatysty aiyppul mólsheri azaiýy múmkin. Biraq, oǵan deiin jol erejesine qatysty ózgertýlerdi qos palata depýtattary qoldap, elbasy bekitýi tiis.
