Muhtar Taijan Prezidentpen kezdesýinde birqatar máseleni kóteripti. Solardy nazarlaryńyzǵa usynsaq.
Qoǵam belsendisi óziniń paraqshasynda Prezident Qasym-Jomart Toqaevpen kezdesý ashyq, erkin jaǵdaida ótkenin alǵa tartyp.
– Memleket basshysy aldyna kelgen adamnyń sózin bólmei, muqiiat tyńdaityny maǵan qatty unady. Osy múmkindikti paidalanyp kókeide júrgen oilarymdy tolyqtai jetkizýge tyrysyp baqtym, – depti M.Taijan.
Budan keiin M.Taijan Arys qalasyn qalypana keltirý máselesi de nazardan tys qalmapty. Bul jaiynda ol óziniń áleýmettik jelidegi paraqshasynda: «Iá, qalany qalpyna keltirýde kóptegen jumystar atqaryldy. Biraq kemshin tustar da joq emes. Qurylys jumystary keibir turǵyndardyń kóńilinen shyqpaýda. Bul jerde kiná – tolyǵymen memlekettiń jaǵynda bolǵandyqtan, halyqtyń tilegin tolyqtai qanaǵattandyrý mańyzdy» depti.
Budan keiin qoǵam belsendisi Taraz qalasyndaǵy 1990 jyldardan beri kele jatqan «Rodnichok» turǵynúiiniń máselesine Prezidenttiń nazaryn aýdarýǵa tyryspty.
«Atalǵan jerde 15 myńdai adam turady, biraq úileri áli zańdastyrylmaǵan. Sonyń kesirinen mektep, balabaqsha, aýrýhana syndy áleýmettik nysandar salynbai keledi. Sondyqtan bul turǵyn úidi zańdastyrýǵa yqpal etýińizdi ótinemin» degen eken.
Sonymen qatar M.Taijan Atyraý oblysyndaǵy ekologiialyq ahýal jaiynda sóz qozǵaǵanda Prezident Qasym-Jomart Toqaev bul máseleden habardar ekenin aityp, Atyraýdaǵy jaǵdaidy jiti baqylap otyrǵanyn aitypty.
Aqordadaǵy kezdesýde M.Taijan Mańǵystaý oblysyn ózge oblystarmen bailanystyratyn «Beineý-Sekseýil» tas joly bir millird dollarǵa baǵalansa da salý kerektigin aita kele, atylmysh joldyń elimiz úshin ekonomikalyq turǵydan qanshalyqty paidaly ekenin bylaisha tápsirlepti.
– Bul jol bárimizge qajet. Jol ishki týrizm damytyp, ońtústiktiń arzan kókónisterin batysqa tikelei tasymaldaýǵa jol ashady. Infliatsiia tómendep, júk kólikteri Kaspii teńizdegi porttarymyzǵa birden jetip, ary qarai Ázirbaijan arqyly Eýropa men Iranǵa erkin shyǵatyn múmkindik ie bolady, – dep óz oiyn orta salypty.
Kezdesýde M.Taijai jer máselesinde nazardan tys qaldyrmapty. Ol bul jaiynda:
«Jerge qatysty moratoriidiń aiaqtalýyna eki jyl qaldy. Jerdi jalǵa berý institýtyn ornatý kerek. Onda da tek Qazaqstan azamattary men úlesi 100 paiyzdyq Qazaqstannyń zańdy tulǵalaryna berýge bolady. Latifýndizmge qarsy kosmomonitoringti engizý kerek»
dep oiyn ashyq aitypty.
Sóz sońynda M.Taijan Prezidentpen kezdesýi óte tartymdy ótkenin aitypty.
