«Bizdiń jumysymyz jaqsy bastaldy. Osy aptada kóp jumys atqardyq. Biraq elimizde ne bolyp jatqanyn ózimiz kórip otyrmyz. Mamyrdyń 21-i kúni Ánurandy aitqan qaryndastarymyzdy militsiia alyp ketti.
Ol qalai? Apalarymyzdy, jetpisten asqan aqsaqaldarymyzdy alyp ketti. Ol qalai? Biz osynda jumys istep jatyrmyz. Jaqsy úrdis bastaldy deýge bolady. Bilik pen halyq arasynda kelissóz… bir qolmen, al ekinshi qolmen mitingke shyqqan azamattarymyzdy ursaq, ol qalai?
Men osy máseleni úshinshi otyrysta kóterip otyrmyn. Biz tiisti organdarǵa úndeý jasaýymyz qajet. Biz Kravchenko (Bas prokýrordyń orynbasary — avt.) myrzamen osy aptada kezdestik. Kezdesý jaqsy ótti. Bir-birimizdi túsindik. Biraq keshe qarasam, Bas prokýratýradan óte qatal málimdeme shyqty. Sosyn men osynda otyrǵan Artýr Platonovqa (jýrnalist, KTK telearnasynyń burynǵy júrgizýshisi, búgingi Parlament depýtaty – avt.) aitaiyn dep edim.
Artýr, mitingke shyqqan azamattardy jamandaýdy toqtat! Olar – Qazaqstan azamattary. Olar eshqandai buzaqylyq jasaǵan joq. Miting úshin aqsha tólep jatyr deidi, taǵysyn taǵy. Bálkim, bireý bizdiń búgingi protsesimizdi buzǵysy kelip jatqan shyǵar.
Ultaralyq alaýyzdyq, aqsha úshin, bireýdiń múddesi deidi, bilikti jaýlap alǵysy keldi deidi. Ondaiǵa boi bermeý kerek. Men ótinemin, tiisti organdarǵa úndei jasaiyq», — dedi M.Taijan komissiianyń búgingi otyrysy barysynda.
Baq.kz
