Keńesten keiingi abyr-dabyr basylyp, el aptyǵyn basqanda Prezident Qasym-Jomart Toqaev pen onyń komandasyn arnaiy quttyqtaǵym keledi: jariialaǵan mańyzdy sheshimderi úshin!
Bul rette óz alǵysymdy bildiremin. Óitkeni qazirgi jaǵdaida bul ońaiǵa túspegen sharýa bolǵanyn jaqsy bilemin. Biraq bul sharalardy oppozitsiia birneshe onjyldyq boiyna talap etip kelgen, uzaqqa sozylyp ketken másele edi.
Aitqandai, ony aitasyz, «oppozitsiia», «oppozitsioner» degen sózderdiń ózi osy ondaǵan jyldar boiyna balaǵat sóz sekildi qabyldanyp keldi emes pe. Óz basymnan ótken, kezinde meniń oppozitsiialyq kózqarastarym úshin keibir isker dostarym menimen bailanysyn úzgen, al qazir olar meniń sol kezde aitqandarymnyń durystyǵyn moiyndap júr.
Sizdiń «qarsylastar jaý emes» degen jańa saiasi mádeniet týraly kózqarasyńyzdy qoldaimyn.
«Parlamenttik oppozitsiia týraly» zań jobasyn ázirleýge qoldaý kórsetkenińiz úshin qýanyshtymyn.
Bizdiń maqsatymyz - jastar aldynda yńǵaisyz kúige túsiretin jalǵan dúnieni emes, qazirgi zamanǵa laiyq tabysty memleket qurý. Onyń ústine, ne isteseńiz de istegenińizdi jaratpaityn, sóge jamandaityn oppozitsiia árqashan bolady.
Meniń ózimniń de virtýaldy álemde osyndai adal «jankúierlerim» bar, bul da qalypty jaǵdai. Adamdardyń bilikti nemese jeke ózińdi jek kórýge quqyǵy bar, bul olardyń óz tańdaýy, jeke quqyǵy.
Ulttyq qoǵamdyq senim keńesi músheleriniń qoǵam aldynda úlken jaýapkershiligi baryn ózińiz de jaqsy bilesiz, bizdi de aiap jatqan joq, neshe túrli aiyp taǵýda, ásirese jazda solai boldy.
Biraq keshe Siz bizdiń kóptegen usynysymyz qoǵamnyń bilik aldyna qoiyp, ondaǵan jyldar boiyna kútken máselesin oń sheshti dep aittyńyz.
Mine, osydan keiin biz eldiń kózine uialmai qarai alamyz dep oilaimyn, Astana tórinde úsh ai ýaqytymyzdyń beker ótpegeniniń kórsetkishi - bul.
Árine, biz óz kózqarasymyzdy usynyp, ony belsendi túrde dáleldeýge tyrystyq, biraq, árine, sońǵy sheshimdi ózińiz komandańyzben qabyldadyńyz. Sondyqtan osy atqarylǵan jumystar men táýekelge bas tikken Sizdiń komandańyzdyń músheleri - Erlan Qoshanovqa, Qyrymbek Kósherbaevqa, Darhan Kaletaevqa jáne árine, Erlan Qaringe alǵys aitqym keledi.
Olar osy ýaqyt boiyna Aqorda men bizdiń aramyzdy tiimdi bailanystyrýshy zveno bola bildi.
Jańa qyzmetke taǵaiyndalǵan Máýlen Áshimbaev qolǵa alǵan reformany ary qarai jalǵastyrady dep senemin. Sondai-aq barlyq aýyr jumysty atqarǵan memlekettik organdardyń qyzmetkerlerine alǵys aitamyn, olardyń jumysynsyz keshegi nátijege biz ońaishylyqpen qol jetkize almas edik.
Sonymen qatar, Sizdiń komandańyzdaǵy adamdarǵa meiilinshe ashyq bolýdy tileimin, halyqqa jaqyndap, kóp suqbat berip, óńir-óńirdi aralap, jergilikti turǵyndarmen kezdesip degendei.
Tek Nurotan jinalystarynda ǵana emes, sonymen qatar halyqpen júzbe-júz kezdesýlerge qatyssa, kórip otyrǵanymyzdai, bilik pen qoǵam arasyndaǵy dialogtyń keńeiýinen barlyǵy paida tappasa, odan eshkim utylmaidy.
Keshe jinalysta aitqanymdai, halyq bizden naqty áreketterdi kútedi.
Keshe jariialanǵan barlyq qajetti sheshimder zańdy bolǵan kezde ǵana ony halyq naqty sezinedi: partiialar, mitingter týraly, Qylmystyq kodekstiń 130 jáne 174-baptaryna qatysty ózgeristi, parlamenttik oppozitsiiany jáne taǵy basqasyn.
Árine, keńestiń barlyq músheleri osy jáne ózimizdiń ózge de usynystarymyzdy Úkimet, Májilis jáne Senat qabyrǵasynda barynsha qorǵaýǵa daiyn ekenine bek senimdimin. Bizge, shyn máninde, elde naqty ózgerister bolǵany qajet, sondyqtan biz odan saiyn kúshimizdi salýǵa daiynbyz.
Sondyqtan, keshegi, iaǵni 2019 jyldyń 20 jeltoqsany Qazaqstan tarihyna bizdiń halqymyzǵa baq-qýattylyq ákelgen, el kópten kútken saiasi jáne ekonomikalyq qaita qurýlardyń bastamasy bolǵan kún retinde kiredi dep senemin.
Bizdiń halqymyz muny uzaq kútti, oǵan ábden laiyq! Onyń ústine, Siz bul qabyldanǵan reformalardyń alǵashqy legi dep aityp otyrsyz. Endeshe barlyǵymyzǵa 2020 jyl sáttilik ákelsin! Aman bolaiyq!
