Ǵalym, diplomat, memleket jáne qoǵam qairatkeri, Muhtar Áýezovtiń uly Murat Áýezov qaitys boldy, - dep habarlaidy Dalanews.kz.
Bul qaraly habardy ádebiet zertteýshi ǵalym, filologiia ǵylymynyń kandidaty Mamai Ahetov áleýmettik jelide jazdy. Aqparatty Almaty ákimdiginiń mádeniet basqarmasy da rastady.
"Altynnyń synyǵy da - altyn... Ulynyń tuiaǵy, asyldyń synyǵy, qazaq mádenietiniń shyraqshysy Murat Muhtaruly da betin kelmeske qarai burypty. Qosh, abzal aǵa, aqyldy ustaz! Aldyńnan jarylqasyn!" - dep jazdy ol.
Murat Muhtaruly Áýezov 1943 jyly 1 qańtarda Jambyl oblysy Merke kentinde dúniege kelgen.
M.V. Lomonosov atyndaǵy Máskeý memlekettik ýniversitetiniń Shyǵys tilderi institýtyn "Qytai filologiiasy" mamandyǵy boiynsha bitirdi.
KSRO Ǵylym Akademiiasynyń álem ádebieti institýtynda ádebiet teoriiasy boiynsha filologiia ǵylymynyń kandidaty dárejesine dissertatsiia qorǵady.
Qazaqstan Jýrnalistika Akademiiasynyń 2007 jylǵy jalpy jinalysy arqyly Akademiianyń tolyq múshesi bolyp sailandy.
1970-1976 jyldarda M.M.Áýezov "Estetika kochevia" ujymdyq monografiiasyn ázirlegen (1975 jyl) filosofiia jáne quqyq institýtyndaǵy estetika tobyna jetekshilik etti.
1981-1987 jyldarda "Qazaqfilm" kinostýdiiasynda bas redaktor bolyp qyzmet atqardy.
1988-1990 jyldarda Qazaqstan jazýshylar odaǵynyń kórkem aýdarma jáne ádebi ózara bailanystar jónindegi alqasyn basqardy.
1990-shy jyldardyń sońynda M.M. Áýezov Qazaqstandaǵy "Mir" teleradiokompaniiasynyń kórkemdik jetekshisi boldy.
1990 jyly Áýezov M.M. Qazaq KSR Joǵarǵy Keńesiniń Halyq depýtaty bolyp sailanyp, onda Keńes Prezidýmynyń múshesi, parlamentaralyq bailanystar jónindegi komitettiń tóraǵasy boldy.
1992 jylǵy jeltoqsannan QHR-daǵy tótenshe jáne ókiletti Elshisi qyzmetine taǵaiyndaldy.
1995 jyly Almaty oblysy ákimdiginiń aqparat jáne Qoǵamdyq kelisim departamentin basqardy.
1999 jylǵy jeltoqsannan "Soros-Qazaqstan" qorynyń atqarýshy direktory, 2002 jylǵy shildeden qordyń prezidenti.
2003-2006 jyldary Qazaqstan Respýblikasy Ulttyq kitaphanasynyń bas direktory qyzmetine taǵaiyndaldy.
Murat Áýezov - "Vremen sviazýiýshaia nit" (1972), "Ippokrena. Hojdeniia k kolodtsam vremen" (1997) jáne "Ýiti, chtoby vernýtsia" (2002) atty tanymal monografiialardyń, sondai-aq, kórkemdik úderistiń teoriiasy men tájiribesiniń 200-den asa jariialanymdarynyń avtory.
