عالىم، ديپلومات، مەملەكەت جانە قوعام قايراتكەرى، مۇحتار اۋەزوۆتىڭ ۇلى مۇرات اۋەزوۆ قايتىس بولدى، - دەپ حابارلايدى Dalanews.kz.
بۇل قارالى حاباردى ادەبيەت زەرتتەۋشى عالىم، فيلولوگيا عىلىمىنىڭ كانديداتى ماماي احەتوۆ الەۋمەتتىك جەلىدە جازدى. اقپاراتتى الماتى اكىمدىگىنىڭ مادەنيەت باسقارماسى دا راستادى.
"التىننىڭ سىنىعى دا - التىن... ۇلىنىڭ تۇياعى، اسىلدىڭ سىنىعى، قازاق مادەنيەتىنىڭ شىراقشىسى مۇرات مۇحتار ۇلى دا بەتىن كەلمەسكە قاراي بۇرىپتى. قوش، ابزال اعا، اقىلدى ۇستاز! الدىڭنان جارىلقاسىن!" - دەپ جازدى ول.
مۇرات مۇحتار ۇلى اۋەزوۆ 1943 جىلى 1 قاڭتاردا جامبىل وبلىسى مەركە كەنتىندە دۇنيەگە كەلگەن.
م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ شىعىس تىلدەرى ينستيتۋتىن "جۇڭگو فيلولوگياسى" ماماندىعى بويىنشا ءبىتىردى.
كسرو عىلىم اكادەمياسىنىڭ الەم ادەبيەتى ينستيتۋتىندا ادەبيەت تەورياسى بويىنشا فيلولوگيا عىلىمىنىڭ كانديداتى دارەجەسىنە ديسسەرتاسيا قورعادى.
قازاقستان جۋرناليستيكا اكادەمياسىنىڭ 2007 جىلعى جالپى جينالىسى ارقىلى اكادەميانىڭ تولىق مۇشەسى بولىپ سايلاندى.
1970-1976 جىلداردا م.م.اۋەزوۆ "ەستەتيكا كوچيەۆيا" ۇجىمدىق مونوگرافياسىن ازىرلەگەن (1975 جىل) فيلوسوفيا جانە قۇقىق ينستيتۋتىنداعى ەستەتيكا توبىنا جەتەكشىلىك ەتتى.
1981-1987 جىلداردا "قازاقفيلم" كينوستۋدياسىندا باس رەداكتور بولىپ قىزمەت اتقاردى.
1988-1990 جىلداردا قازاقستان جازۋشىلار وداعىنىڭ كوركەم اۋدارما جانە ادەبي ءوزارا بايلانىستار جونىندەگى القاسىن باسقاردى.
1990-شى جىلداردىڭ سوڭىندا م.م. اۋەزوۆ قازاقستانداعى "مير" تەلەراديوكومپانياسىنىڭ كوركەمدىك جەتەكشىسى بولدى.
1990 جىلى اۋەزوۆ م.م. قازاق كسر جوعارعى كەڭەسىنىڭ حالىق دەپۋتاتى بولىپ سايلانىپ، وندا كەڭەس پرەزيدۋمىنىڭ مۇشەسى، پارلامەنتارالىق بايلانىستار جونىندەگى كوميتەتتىڭ ءتوراعاسى بولدى.
1992 جىلعى جەلتوقساننان قحر-داعى توتەنشە جانە وكىلەتتى ەلشىسى قىزمەتىنە تاعايىندالدى.
1995 جىلى الماتى وبلىسى اكىمدىگىنىڭ اقپارات جانە قوعامدىق كەلىسىم دەپارتامەنتىن باسقاردى.
1999 جىلعى جەلتوقساننان "سوروس-قازاقستان" قورىنىڭ اتقارۋشى ديرەكتورى، 2002 جىلعى شىلدەدەن قوردىڭ پرەزيدەنتى.
2003-2006 جىلدارى قازاقستان رەسپۋبليكاسى ۇلتتىق كىتاپحاناسىنىڭ باس ديرەكتورى قىزمەتىنە تاعايىندالدى.
مۇرات اۋەزوۆ - "ۆرەمەن سۆيازۋيۋششايا نيت" (1972)، "يپپوكرەنا. حوجدەنيا ك كولودسام ۆرەمەن" (1997) جانە "ۋيتي، چتوبى ۆەرنۋتسيا" (2002) اتتى تانىمال مونوگرافيالاردىڭ، سونداي-اق، كوركەمدىك ۇدەرىستىڭ تەورياسى مەن تاجىريبەسىنىڭ 200-دەن اسا جاريالانىمدارىنىڭ اۆتورى.
