Almatydaǵy Muhtar Áýezov atyndaǵy Qazaq ulttyq drama teatrynda keń aýqymdy qaita jańǵyrtý jumystary júrip jatyr,- dep habarlaidy Dalanews.kz
Búgin Almaty ákimi Darhan Satybaldy teatrdyń qaita jańǵyrtý jumystarymen tanysty.
Teatrdy jańartý qajettiligi onyń tehnikalyq jai-kúiine bailanysty týyndaǵan. Keibir qurylymdar seismikalyq qaýipsizdik talaptaryna sai kelmegen, injenerlik júieler tolyq eskirgen, al ǵimarattyń qasbeti men ishki keńistikteri ábden tozǵan.
Merdiger kompaniia ókilderiniń málimetinshe, jobanyń basty ustanymy – teatrdyń tarihi kelbetin saqtaý. Osyǵan bailanysty syrtqy qasbet qaita jasalyp, ishki árleý jumystary – aspashamdar, barelefter, eden jabyny qalpyna keltiriledi.
Buǵan qosa, sahnalyq jabdyqtar jańartylyp, tehnikalyq bólmeler zaman talabyna sai jabdyqtalady. Teatr ishinde artister men qyzmetkerlerge arnalǵan jańa daiyndyq zaldary, jumys oryndary men qoima qarastyrylady. Qaita jańǵyrtý jumystaryn teatrdyń 100 jyldyq mereitoiyna orai, 2026 jylǵa deiin aiaqtaý josparlanyp otyr. Bul óner ordasy elimiz úshin mańyzdy mádeni nysan.
Darhan Satybaldy teatr mańyndaǵy aýmaqty kórkeitý jobasymen de tanysty. Joba ulttyq naqyshty saqtaýǵa, mýzykalyq aspap beinesindegi shaǵyn sáýlet nysandaryn ornatýǵa jáne sándik alma aǵashtaryn egýge baǵyttalǵan.
