Muhtar Astanaǵa kele me?
"QR Sybailas jemqorlyqqa qarsy is-qimyl ulttyq biýrosy "BTA Bank" AQ burynǵy top-menedjmenti M.Q.Ábliazovqa, J.D.Jarymbetovke jáne ózgelerge qatysty qylmystyq istiń sotqa deiingi tergeýin jalǵastyrýda. Tergeý barysynda jemqorlyqqa qarsy qyzmeti Ábliazov pen onyń sybailastarynyń basqa da zańsyz áreketteri tabyldy. Anyqtalǵan derekter Ábliazovtiń qylmystyq uiym quryp, oǵan basshylyq etken bolýy múmkin. Onyń ishinde birqatar uiymdasqan qylmystyq top kiredi, top Qazaqstan territoriiasynda da, shetelde de áreket etken", - delingen vedomstvo habarlamasynda.
Bir apta buryn BTA bankiniń burynǵy direktorlarynyń biri J. Jarymbetov Túrkiiada ustalyp, elge ákelingen bolatyn. Ol qashýdan jalyqqanyn, Ábliazovqa sengenin, biraq onyń armany Qazaqstanda bilikke turaqsyzdyq ornatyp, tóńkeris jasaý nieti baryn aityp, ózi bul isti tergeýge barynsha kómektesetinin jetkizgen. Keibir mamandar Ábliazovty osy Jarymbetov bergen jaýaptar boiynsha Astanaǵa shaqyryp otyrǵan bolýy múmkin dep otyr.
Muhtar Ábliazov 2017 jyldyń 10 aqpan, saǵat 17.00-ge deiin QR Sybailas jemqorlyqqa qarsy is-qimyl ulttyq biýrosyna kelýi kerek.
Al Ábliazov kele me? "Ol Astanadaǵy tergeýge óz aiaǵymen kelse, bulai qashyp júrmes edi ǵoi. Bizdiń biliktiń logikasy qyzyq...", "Mundai tásildi oilap tapqan adam shynymen saiasatker eken. Múmkin, Muhtar myrza óz aiaǵymen kelip, bizdiń ádil sot protsesine (tergeýge) naqty jaýap berer" deidi áleýmettik jelide pikir bildirýshiler.
