مۇحتار استاناعا كەلە مە?
"قر سىبايلاس جەمقورلىققا قارسى ٸس-قيمىل ۇلتتىق بيۋروسى "بتا بانك" اق بۇرىنعى توپ-مەنەدجمەنتٸ م.ق.ەبليازوۆقا, ج.د.جارىمبەتوۆكە جەنە ٶزگەلەرگە قاتىستى قىلمىستىق ٸستٸڭ سوتقا دەيٸنگٸ تەرگەۋٸن جالعاستىرۋدا. تەرگەۋ بارىسىندا جەمقورلىققا قارسى قىزمەتٸ ەبليازوۆ پەن ونىڭ سىبايلاستارىنىڭ باسقا دا زاڭسىز ەرەكەتتەرٸ تابىلدى. انىقتالعان دەرەكتەر ەبليازوۆتٸڭ قىلمىستىق ۇيىم قۇرىپ, وعان باسشىلىق ەتكەن بولۋى مٷمكٸن. ونىڭ ٸشٸندە بٸرقاتار ۇيىمداسقان قىلمىستىق توپ كٸرەدٸ, توپ قازاقستان تەرريتوريياسىندا دا, شەتەلدە دە ەرەكەت ەتكەن", - دەلٸنگەن ۆەدومستۆو حابارلاماسىندا.
بٸر اپتا بۇرىن بتا بانكٸنٸڭ بۇرىنعى ديرەكتورلارىنىڭ بٸرٸ ج. جارىمبەتوۆ تٷركييادا ۇستالىپ, ەلگە ەكەلٸنگەن بولاتىن. ول قاشۋدان جالىققانىن, ەبليازوۆقا سەنگەنٸن, بٸراق ونىڭ ارمانى قازاقستاندا بيلٸككە تۇراقسىزدىق ورناتىپ, تٶڭكەرٸس جاساۋ نيەتٸ بارىن ايتىپ, ٶزٸ بۇل ٸستٸ تەرگەۋگە بارىنشا كٶمەكتەسەتٸنٸن جەتكٸزگەن. كەيبٸر ماماندار ەبليازوۆتى وسى جارىمبەتوۆ بەرگەن جاۋاپتار بويىنشا استاناعا شاقىرىپ وتىرعان بولۋى مٷمكٸن دەپ وتىر.
مۇحتار ەبليازوۆ 2017 جىلدىڭ 10 اقپان, ساعات 17.00-گە دەيٸن قر سىبايلاس جەمقورلىققا قارسى ٸس-قيمىل ۇلتتىق بيۋروسىنا كەلۋٸ كەرەك.
ال ەبليازوۆ كەلە مە? "ول استاناداعى تەرگەۋگە ٶز اياعىمەن كەلسە, بۇلاي قاشىپ جٷرمەس ەدٸ عوي. بٸزدٸڭ بيلٸكتٸڭ لوگيكاسى قىزىق...", "مۇنداي تەسٸلدٸ ويلاپ تاپقان ادام شىنىمەن ساياساتكەر ەكەن. مٷمكٸن, مۇحتار مىرزا ٶز اياعىمەن كەلٸپ, بٸزدٸڭ ەدٸل سوت پروتسەسٸنە (تەرگەۋگە) ناقتى جاۋاپ بەرەر" دەيدٸ ەلەۋمەتتٸك جەلٸدە پٸكٸر بٸلدٸرۋشٸلەر.
