Qaraǵandyda saqaldy jigit soqqyǵa jyqqan jedel járdem júrgizýshisi Tóreǵali Berikqaliuly eldi shýlatqan oqiǵanyń qalai bolǵanyn aityp berdi, dep habarlaidy Dalanews.kz.
Onyń sózine qaraǵanda, qazirgi densaýlyǵym jaqsy. Murny men qabyrǵasy synǵan.
"Kózim ashylmaidy. Bul videodaǵy oqiǵa bylai boldy,túngi 23:57-de bizge shaqyrtý túsip, bir jasar kishkentai balanyń aýyryp qalǵany habarlandy. Sol úige 5-7 minýtta bardyq. Eki feldsher patsientti qaraýǵa kirip ketti. Bir sátte bir aǵa feldsher shyǵyp, patsientti alyp ketýge daiyn otyrǵanbyz. Sol sátte baiqasam, jedel járdem kóligi shaiqalady. Ainamen artyma qarasam, eshkim joq. Myna jaq ainaǵa qarasam, bir adam qolyndaǵy týmbochkasyn syiǵyza almai kele jatyr eken. Men túsinbedim. Ol meni boqtai bastady. Bastapqyda mán bermedim. Terezeme kelip, taǵy boqtady. Qaityp kelip, taǵy boqtady. Odan keiin men shyǵyp, nege boqtap jatqanyn suradym. «Nege kóligińdi bylai qoiasyń» deidi. Men adam aýyryp, shaqyrýymen kelgenimdi aittym. «Meni kóre tura nege maǵan jol bermeisiń» dedi. Men «Sizdi kórgen joqpyn» dedim. Sóitip, ol jigitke túsindirem degenshe úsh-tórt soqqy aldym, ol ketip qaldy. Patsient shyqqanda kózim isip, júre almai qaldym. Sóitip basqa brigada shaqyrdyq. Artynan politsiia keldi", – dedi ol.
Zardap shekken azamat barsha qazaq eline alǵysyn da jetkizdi. Sonymen qatar kópshilikten dárigerlerdiń eńbegine qurmetpen qaraýdy ótindi.
"Olardyń ár sekýnd, ár minýty adam ómirin qutqarýda úlken rólge ie! Qoldaýlaryńyzǵa úlken rahmet!" – deidi jedel járdem júrgizýshisi.
Eske sala keteiik, Qaraǵandy turǵyny jedel járdem júrgizýshisin uryp-soqqan bolatyn. Politseiler tóbelesken adamnyń kim ekenin anyqtady. Qazirgi ýaqytta shabýyl jasaǵan adamdy ustaý jumystary júrgizilip jatyr.
