قاراعاندىدا ساقالدى جٸگٸت سوققىعا جىققان جەدەل جەردەم جٷرگٸزۋشٸسٸ تٶرەعالي بەرٸكقاليۇلى ەلدٸ شۋلاتقان وقيعانىڭ قالاي بولعانىن ايتىپ بەردٸ, دەپ حابارلايدى Dalanews.kz.
ونىڭ سٶزٸنە قاراعاندا, قازٸرگٸ دەنساۋلىعىم جاقسى. مۇرنى مەن قابىرعاسى سىنعان.
"كٶزٸم اشىلمايدى. بۇل ۆيدەوداعى وقيعا بىلاي بولدى,تٷنگٸ 23:57-دە بٸزگە شاقىرتۋ تٷسٸپ, بٸر جاسار كٸشكەنتاي بالانىڭ اۋىرىپ قالعانى حابارلاندى. سول ٷيگە 5-7 مينۋتتا باردىق. ەكٸ فەلدشەر پاتسيەنتتٸ قاراۋعا كٸرٸپ كەتتٸ. بٸر سەتتە بٸر اعا فەلدشەر شىعىپ, پاتسيەنتتٸ الىپ كەتۋگە دايىن وتىرعانبىز. سول سەتتە بايقاسام, جەدەل جەردەم كٶلٸگٸ شايقالادى. اينامەن ارتىما قاراسام, ەشكٸم جوق. مىنا جاق ايناعا قاراسام, بٸر ادام قولىنداعى تۋمبوچكاسىن سىيعىزا الماي كەلە جاتىر ەكەن. مەن تٷسٸنبەدٸم. ول مەنٸ بوقتاي باستادى. باستاپقىدا مەن بەرمەدٸم. تەرەزەمە كەلٸپ, تاعى بوقتادى. قايتىپ كەلٸپ, تاعى بوقتادى. ودان كەيٸن مەن شىعىپ, نەگە بوقتاپ جاتقانىن سۇرادىم. «نەگە كٶلٸگٸڭدٸ بىلاي قوياسىڭ» دەيدٸ. مەن ادام اۋىرىپ, شاقىرۋىمەن كەلگەنٸمدٸ ايتتىم. «مەنٸ كٶرە تۇرا نەگە ماعان جول بەرمەيسٸڭ» دەدٸ. مەن «سٸزدٸ كٶرگەن جوقپىن» دەدٸم. سٶيتٸپ, ول جٸگٸتكە تٷسٸندٸرەم دەگەنشە ٷش-تٶرت سوققى الدىم, ول كەتٸپ قالدى. پاتسيەنت شىققاندا كٶزٸم ٸسٸپ, جٷرە الماي قالدىم. سٶيتٸپ باسقا بريگادا شاقىردىق. ارتىنان پوليتسييا كەلدٸ", – دەدٸ ول.
زارداپ شەككەن ازامات بارشا قازاق ەلٸنە العىسىن دا جەتكٸزدٸ. سونىمەن قاتار كٶپشٸلٸكتەن دەرٸگەرلەردٸڭ ەڭبەگٸنە قۇرمەتپەن قاراۋدى ٶتٸندٸ.
"ولاردىڭ ەر سەكۋند, ەر مينۋتى ادام ٶمٸرٸن قۇتقارۋدا ٷلكەن رٶلگە يە! قولداۋلارىڭىزعا ٷلكەن راحمەت!" – دەيدٸ جەدەل جەردەم جٷرگٸزۋشٸسٸ.
ەسكە سالا كەتەيٸك, قاراعاندى تۇرعىنى جەدەل جەردەم جٷرگٸزۋشٸسٸن ۇرىپ-سوققان بولاتىن. پوليتسەيلەر تٶبەلەسكەن ادامنىڭ كٸم ەكەنٸن انىقتادى. قازٸرگٸ ۋاقىتتا شابۋىل جاساعان ادامدى ۇستاۋ جۇمىستارى جٷرگٸزٸلٸپ جاتىر.
