«Esik» memlekettik tarihi-mádeni mýzei-qoryǵynda Halyqaralyq eskertkishter men tarihi oryndar kúnine arnalǵan is-shara ótti, dep habarlaidy Dalanews.kz.
Saltanatty sharany «Esik» mýzei-qoryǵynyń direktory Muhtarova Gúlmira Raiylqyzy quttyqtaý sózben ashyp, elimizde eskertkishter men tarihi oryndardy saqtap, zertteýde mýzei isi mamandary eleýli eńbek sińirip otyrǵanyn atap ótti.
Is-sharaǵa qatysqan «Tańbaly» mýzei-qoryǵy direktory B.Dandyǵaraeva, Almaty oblystyq tarihi-mádeni mura basqarma ókili M. Esmuratov, Almaty oblystyq mýzeiler birlestiginiń direktory m.a. E.Toqtar, jazýshy, jýrnalist Sh.Qusaiynuly syndy qurmetti meimandar ózderiniń ystyq lebizderin jetkizdi.
Is-shara aiasynda tarih ǵylymdarynyń doktory, mýzei salasynyń bilikti mamany Ǵaliia Shaýketqyzy Faizýllina arnaiy dáris oqydy.
Ataýly kúnge orai «Tarihi-mádeni eskertkishterdi qorǵaýdyń ózekti máseleleri» atty dóńgelek ústel uiymdastyryldy. Tarihi-mádeni mura eskertkishterin saqtaý, qorǵaý, nasihattaý maqsatynda uiymdastyrylǵan jiynda mýzei isi salasynyń mamandary bas qosyp, tájiribe almasyp, ortaq máselelerdi talyqylady.
Shara aiasynda «Esik» memlekettik tarihi-mádeni mýzei-qoryǵy 2019 jyly Almaty oblysy Kegen aýdany Toǵyzbulaq aýylynan tabylǵan kóne qazannyń kóshirmesin Almaty oblysynyń mýzeiler birlestigine tapsyrdy.«Toǵyzbulaq qazany» atalǵan, b.z.d. V-II ǵasyrlarǵa tán jádigerdiń túpnusqasy «Esik» mýzei-qoryǵy ekspozitsiiasynda saqtaýly.
Kezdesý sońynda «Esik» mýzei-qoryǵy basshylyǵy mýzei isin damytýǵa jáne nasihattaýǵa eleýli úles qosqan týrizm salasyndaǵy gid ekskýrsovodtar men BAQ ókilderin Alǵys hatpen marapattap, arnaiy syilyqtar tabystady.
Dóńgelek ústelge Almaty oblysynyń mádeniet, arhivter jáne qujattama basqarmasy, Qyzylorda oblystyq tarihi-mádeni murany qorǵaý ortalyǵy, Jambyl oblysy ákimdiginiń mádeniet, arhivter jáne qujattama basqarmasy, «Tańbaly» memlekettik tarihi-mádeni jáne tabiǵi mýzei-qoryǵy, Almaty oblystyq tarihi-mádeni murany qorǵaý jónindegi ortalyq, «Tarihi-mádeni eskertkishterdi qorǵaý jáne qalpyna keltirý direktsiiasy» men zańgerler onlain jáne offlain formatta qatysty.
Mýzei qonaqtaryna «Esik» mýzei-qoryǵynyń ekspozitsiialyq zaldaryna ekskýrsiialar júrgizildi.
«Atadan mal qalǵansha tal qalsyn» ustanymyn jalǵastyrý maqsatynda shara qonaqtary mýzei-qoryqtyń Qurmet alleiasyna aǵashtar otyrǵyzdy.
Qonaqtar is-sharanyń joǵary deńgeide uiymdastyrylǵanyn aityp, mýzei-qoryq ujymyna shyǵarmashylyq tabys tilep, aldaǵy ýaqytta da birlese jumys atqara berýge niettestik bildirdi.
