Redaktsiiadan: Ál-Farabi atyndaǵy Qazaq Ulttyq ýniversitetiniń
rektory Ǵalymqaiyr Mutanovtyń júrgizip otyrǵan saiasatyna kóńil tolmastyq bildirgen hat kelipti. Hat avtory Nuǵyman Aralbai «Ulttyq ýniversitettegi Qazaqtyń botanikalyq ǵylymi mektebiniń oty óshpese eken...» deidi. Ashyq hattyń tolyq nusqasyn nazarlaryńyzǵa usynyp otyrmyz. Aldaǵy ýaqytta atalmysh ýniversitettegi osy jáne basqada máseleler týraly arnaiy jýrnalistik zertteý júrgizetin bolamyz.
Qurmetti Ǵalymqaiyr Mutanuly!
Áńgimeniń basyn ashyp alatyn bolsaq, men Siz júrgizip otyrǵan reformalardy túsine almaimyn. Sondyqtan da óz basym sizdiń bastamalaryńyzǵa qoldaý kórsetýdi jón sanamaimyn.
Ásirese, ózim ainalysatyn botanika ǵylymyna qajetti kadrlar daiyndaityn botanika kafedrasynyń joiylyp ketkenine qynjylatynymdy jasyra almaimyn.
Iá, ras bioalýantúrlilik pen bioresýrstar kafedrasynda «geobotanika» mamandyǵy boiynsha mamandar daiyndalady eken dep estip, ishtei «buǵan da táýba» dep júrgenmin.
Osydan bir jyl buryn meni magistrant-geobotaniktermen kezdesýge shaqyrǵan bolatyn. Áńgimeleskende, oqyp júrgen «geobotanik-magistranttardyń» basym bóligine kóńilim tolmady. Sóitsem, olardyń kópshiligi botanikanyń «álippesin» endi ashyp júr eken. Keiin muny ózderi de moiyndady, sebebi olar bakalavriatty basqa mamandyqtar boiynsha – biotehnologiia, balyq sharýashylyǵy jáne taǵy basqa salalar boiynsha bitiripti. Al bakalavriatta «geobotanika» mamandyǵy atymen joq eken.
Odan beri de biraz ýaqyt ótti. Sizdiń basqarýyńyzdaǵy ýniversitette bakalavriatta «geobotanika» mamandyǵy áli de joq. Sonymen, «geobotanika» mamandyǵy boiynsha kadrlar daiyndaýda birtutastyq qamtamasyz etilmeidi.
Meniń oiymsha, fakýltet basshylyǵy men kafedra jetekshileri máseleni tereń túsinbei, biliktilikpen qarastyra almai otyrǵan syńaily.
Ósimdik dúniesi – barlyq tirshiliktiń kózi. Al ósimdikter qaýymdastyǵyn zertteitin «geobotanika» – botanika ǵylymynyń eń biik shyńy.
Elbasymyz – Prezident N.Á. Nazarbaev mindettep otyrǵan zamanaýi problemalar – jasyl ekonomika, jasyl energetika, Biologiialyq qaýipsizdik, azyq-túliktik qaýipsizdik jáne aýyl sharýashylyǵy, meditsina máselelerin botanikalyq irgeli ǵylymsyz sheshý múmkin emes ekeni belgili jait. Al irgeli ǵylymmen ainalysatyn professionaldy birtutas, keshendi júiede daiyndaý kerektigin Siz joqqa shyǵarmassyz dep úmittenemin.
Avtor týraly:
Nuǵyman Aralbai – QazUÝ-dyń túlegi. 150-den astam ǵylymi jumystyń, onyń ishinde birneshe monografiianyń avtory.
