Biraq, shyny kerek, qazir Qanatqa bailanysty ańdatpalarǵa burynǵydai eleńdemeitin boldyq, – dep jazypty diamondring.kz.
Nelikten deisiz ǵoi? Menni Pakiamon kelissózder júrip jatqanyn jazyp, 22 naýryzda «Almaty Arenada» jankúierlerge úlken shoý jasaýǵa daiyn ekendikterin jazǵanda, rasymen de «oho» destik. Sendik. Biz de qazaqtyń darhan dalasynda Pakmendi kúttik.
Biraq, onyń jai ǵana PR ekenin kesh bildik.
Keiin Kel Brýk týraly aqparat shyǵyp, onymen de aiqasýǵa daiyn ekendikterin bildirdi. Al is júzine kelgende WBA bekitken amerikalyq boksshy Djon Veraǵa qarsy aiqastan bas tartty.
Eger sol kezde sharshy alańǵa shyǵyp, jeńiske jetkende onda birinshi orta salmaq dárejesindegi chempiondyq belbeýden basty úmitker bolar edi. Biraq nege ekeni belgisiz, bul jekpe-jek aiaqsyz qaldy. Amerikalyqtar ashyq aitty.
Bas tartqan Qanat Islamnyń komandasy dep málimdeme jasaýdy da umytqan joq.
Al ásheiinde boksshysyna bailanysty kez-kelgen jańalyqqa jaýap jazatyn Islamnyń komandasy bul joly únsiz qalýdy jón kórdi. Soǵan qaraǵanda, bar gáp rasymen de biz jaqta siiaqty.
Al Djon Vera she? Qashanǵy kútip júrsin, kásipqoi boksta 18 jekpe-jek ótkizip, barlyǵynda jeńiske jetken, onyń 11-inde qarsylasyn nokaýtqa túsirgen Vera naýryzdyń 24-inde frantsiialyq Mishel Soroǵa (31-2-1, 30 KO) qarsy sharshy alańǵa shyǵatyn boldy. Qai jeńgeni chempiondyq belbeýden basty úmitker atanady.
Sonda kýbalyq Erislandi Laramen judyryqtasýdy burynnan maqsat qylyp júrgen Qanat Islam nelikten mundai múmkindikten ońailyqpen bas tarta saldy. Álbette, Qanat álgi amerikalyqtan qoryqqanynan jekpe-jekten bas tartty degimiz joq. Kásipqoi bokstaǵy 25 qarsylasynyń 20-syn qulatqan batyrymyzǵa salsań, dál qazir birinshi orta salmaqtaǵy tórt chempiondy da sharshy alańǵa tizip qoiyp, árqaisysymen kezek-kezek te, bir mezette de judyryqtasýǵa daiyn. Kelise almaǵan birinshi kezekte promoýterleri bolýy ábden múmkin. Degenmen,
nelikten promoýterleriniń biliksizdiginen boksshy zardap shegýi qajet? Álde oǵan bir qadam alǵa jasaý úshin eki qadam artqa sheginýi kerek pe?
Bir qyzyǵy, Djon Veraǵa qatysty eshnárse aitpaǵan Islamnyń komandasy qańtar aiynyń sońynda IVF chempiony Djarrett Herdpen tóbelesýge daiyn ekendikterin málimdedi. Alaida, Herd 7 sáýirde Qanat armandaǵan Erislandi Laramen aiqasady. Bul resmi tirkelgen data.
Iá, baiqaǵandaryńyzdai, chempiondyq aiqastarǵa shyǵatyn ýaqyty baiaǵyda jetkenimen ázirge Qanat Islam komandasynyń isinen sózi kóp bolyp tur. Sharshy alańdaǵy jarqyn jeńisterinen instagramdaǵy jarqyn jazbalary effektke ie. Biraq, qashanǵy Inter-Continental belbeýlerin arqalap júre bermek, onyń da Golovkinniń deńgeiine, kem degende Jaqiianovtyń dárejesine jetetin ýaqyty boldy ǵoi.
Jasy da 33-ten asty. Endi qashan?
Búgin Qanat Islamnyń promoýteri almasqany týraly aqparat jaryq kórdi. Rasymen de Nelson Lopesten ketip, Egis Klimastyń qaramaǵyna ótken bolsa, jaqsy eken. Bul qadam Qanat Islamdy kásipqoi boksta jańa belesterge shyǵarady dep úmittenemiz. Eń bastysy, Klimas ony shetqaqpai, tiisti dárejede kóńil bólse eken deimiz. Áitpese, ýaqyt qazir Qanatqa qarsy júrip tur.
