Onyń aitýynsha, qazir aýdanda 174 200-den astam adam turyp jatyr. Sonyń 32637-si jer ýchaskesin alý úshin kezekte tur. Biyl 2907 adamǵa jer telimi beriledi.
– Aýdan halqynyń sany kún sanap artyp jatyr. Oǵan birneshe sebep bar. Birinshiden, Mańǵystaý oblysynyń onyń ishinde Munaily aýdanyna qandastarymyz kóp qonys aýdarady. Ekinshiden, munda týý kórsetkishi joǵary. Sondyqtan turǵyn úi salý úshin jer kezegine turatyn azamattar sany da kóp, – dedi Baqytjan Orynbasarov.
Spikerdiń málimetinshe, aldymen elektr energiia jáne gaz qubyry tartylady. Sodan soń kezektegi azamattarǵa jer telimi tabystalady.
– Jyl sońyna taman aýdanda paida bolatyn jańa turǵyn úi massivi «Qyzyltóbe-3» dep atalady. Onyń 751 jer ýchaskesine gaz qubyry tolyqtai júrgizildi. Elektr jelisi qazir júrgizilip jatyr. Bul jumysqa biýdjetten 256 million teńge bólinip, memlekettik satyp alý boiynsha konkýrs jariialandy. Budan bólek aldaǵy ýaqytta Batyr aýylynda 656, Dáýlet aýyldyq okrýginen 300, Mańǵystaý jáne Baiandy aýyldarynan 1200 jer telimi berilmek, – dedi Baqytjan Orynbasarov.
