ونىڭ ايتۋىنشا، ءقازىر اۋداندا 174 200-دەن استام ادام تۇرىپ جاتىر. سونىڭ 32637ء-سى جەر ۋچاسكەسىن الۋ ءۇشىن كەزەكتە تۇر. بيىل 2907 ادامعا جەر تەلىمى بەرىلەدى.
– اۋدان حالقىنىڭ سانى كۇن ساناپ ارتىپ جاتىر. وعان بىرنەشە سەبەپ بار. بىرىنشىدەن، ماڭعىستاۋ وبلىسىنىڭ ونىڭ ىشىندە مۇنايلى اۋدانىنا قانداستارىمىز كوپ قونىس اۋدارادى. ەكىنشىدەن، مۇندا تۋۋ كورسەتكىشى جوعارى. سوندىقتان تۇرعىن ءۇي سالۋ ءۇشىن جەر كەزەگىنە تۇراتىن ازاماتتار سانى دا كوپ، – دەدى باقىتجان ورىنباساروۆ.
سپيكەردىڭ مالىمەتىنشە، الدىمەن ەلەكتر ەنەرگيا جانە گاز قۇبىرى تارتىلادى. سودان سوڭ كەزەكتەگى ازاماتتارعا جەر تەلىمى تابىستالادى.
– جىل سوڭىنا تامان اۋداندا پايدا بولاتىن جاڭا تۇرعىن ءۇي ءماسسيۆى «قىزىلتوبە-3» دەپ اتالادى. ونىڭ 751 جەر ۋچاسكەسىنە گاز قۇبىرى تولىقتاي جۇرگىزىلدى. ەلەكتر جەلىسى ءقازىر جۇرگىزىلىپ جاتىر. بۇل جۇمىسقا بيۋدجەتتەن 256 ميلليون تەڭگە ءبولىنىپ، مەملەكەتتىك ساتىپ الۋ بويىنشا كونكۋرس جاريالاندى. بۇدان بولەك الداعى ۋاقىتتا باتىر اۋىلىندا 656، داۋلەت اۋىلدىق وكرۋگىنەن 300، ماڭعىستاۋ جانە باياندى اۋىلدارىنان 1200 جەر تەلىمى بەرىلمەك، – دەدى باقىتجان ورىنباساروۆ.
