QR Premer-ministriniń orynbasary – Ulttyq ekonomika ministri Serik Jumanǵarin Májilis dálizinde jýrnalisterge bergen suqbatynda Úkimet munaidyń bir barreliniń quny 50 jáne 55 dollarǵa deiin tómendeýi yqtimal jaǵdaiǵa qatysty birneshe damý stsenariin daiyndap jatqanyn málimdedi, dep habarlaidy Dalanews.kz.
Ulttyq ekonomika ministri qoldarynda úsh stsenarii bar ekenin eske saldy: optimistik, bazalyq jáne pessimistik. Qazaqstannyń biýdjeti, negizinen, munai kirisi esebinen qalyptasady jáne búgingi tańdaǵydai munai barreliniń álemdik baǵasy 60 dollarǵa deiin tómendeýi pessimistik stsenariige kóshýge májbúrleýde.
"Biz pessimistik stsenariige jaqyndap qaldyq. Onda bir barrel 60 dollar turǵysynda qarastyrylǵan. Biz qazirdiń ózinde biýdjettiń qandai shyǵyndaryn qysqartatynymyzdy, qaisysyn báribir qysqartpaitynymyzdy anyq bilip otyrmyz. Keshe biz esepteýdi bastadyq. Meniń oiymsha, búgin-erteń baǵa 55 jáne 50 dollar bolǵan jaǵdaiǵa qatysty damý stsenariin ázirleýdi aiaqtaimyz", - dedi Serik Jumanǵarin.
Ol munai baǵasy ary qarai tómendemeýi múmkin ekenin, biraq kez-kelgen jaǵdaiǵa daiyn bolýymyz kerektigin de jetkizdi. Premer-ministrdiń orynbasary Qazaqstan daǵdarysty birneshe ret basynan ótkizgenin atap ótti. Mundai ýaqytta infraqurylymdardy salyp, jumys oryndaryn ashý qajet. Úkimet osy aksiomaǵa basa nazar aýdarady.
"Ulttyq qordyń rólin umytpalyq. Ol dál osyndai jaǵdailarda saqtandyrý "jastyǵy" rólin atqarýy tiis. Buǵan deiin biz ony birneshe jyl boiy basqa maqsattarǵa qoldanyp keldik ári bul rette durys synǵa ushyradyq. Búgin Salyq kodeksi birinshi oqylymda maquldandy. Bul, eń aldymen, osy synǵa jaýap. Biz memlekettik qarjyny turaqtandyryp, Ulttyq qordan aqsha alýdy, nysanaly transfertterdiń kólemin qysqartýdy qalaimyz", - dep atap ótti Serik Jumanǵarin.
Buǵan deiin Májilis Salyq kodeksiniń jobasyn birinshi oqylymda maquldaǵany habarlanǵan.
