Jumyssyzdar men múmkindigi shekteýli azamattar atyna avtonesieler rásimdegen qylmystyq top áshkerelendi, dep habarlaidy Dalanews.kz.
Qylmystyq qýdalaý organy jumyssyzdar men múmkindigi shekteýli azamattarǵa qatysty alaiaqtyq jasaǵan qylmystyq toptyń áreketin áshkerelep, jolyn kesti.
Tergeý barysynda qaskúnemder azamattardy kóndirý arqyly ekinshi deńgeili bankterde joq avtokólikterge zańsyz avtonesieler rásimdegeni anyqtaldy. Olardyń áreketinen 65 adam zardap shekken, keltirilgen zalaldyń jalpy somasy 250 mln teńgeden asty.
Alaiaqtar alynǵan qarajatty jeke maqsattaryna jumsaǵan. Qylmystyq toptyń áreketteriniń saldarynan jábirlenýshiler kredittik mindettemeler boiynsha qaryz bolyp qalǵan.
Kináli adamdarǵa qatysty QK-niń 262-baby (uiymdasqan topty, qylmystyq uiymdy qurý jáne basqarý, sol siiaqty olarǵa qatysý) jáne 190-baby (alaiaqtyq) boiynsha sotqa deiingi tergep-tekserý júrgizilip, kúdiktiler qamaýǵa alyndy.
Tergeý nátijesinde is sotqa joldandy.
