جۇمىسسىزدار مەن مۇمكىندىگى شەكتەۋلى ازاماتتار اتىنا اۆتونەسيەلەر راسىمدەگەن قىلمىستىق توپ اشكەرەلەندى، دەپ حابارلايدى Dalanews.kz.
قىلمىستىق قۋدالاۋ ورگانى جۇمىسسىزدار مەن مۇمكىندىگى شەكتەۋلى ازاماتتارعا قاتىستى الاياقتىق جاساعان قىلمىستىق توپتىڭ ارەكەتىن اشكەرەلەپ، جولىن كەستى.
تەرگەۋ بارىسىندا قاسكۇنەمدەر ازاماتتاردى كوندىرۋ ارقىلى ەكىنشى دەڭگەيلى بانكتەردە جوق اۆتوكولىكتەرگە زاڭسىز اۆتونەسيەلەر راسىمدەگەنى انىقتالدى. ولاردىڭ ارەكەتىنەن 65 ادام زارداپ شەككەن، كەلتىرىلگەن زالالدىڭ جالپى سوماسى 250 ملن تەڭگەدەن استى.
الاياقتار الىنعان قاراجاتتى جەكە ماقساتتارىنا جۇمساعان. قىلمىستىق توپتىڭ ارەكەتتەرىنىڭ سالدارىنان جابىرلەنۋشىلەر كرەديتتىك مىندەتتەمەلەر بويىنشا قارىز بولىپ قالعان.
كىنالى ادامدارعا قاتىستى قك-نىڭ 262-بابى (ۇيىمداسقان توپتى، قىلمىستىق ۇيىمدى قۇرۋ جانە باسقارۋ، سول سياقتى ولارعا قاتىسۋ) جانە 190-بابى (الاياقتىق) بويىنشا سوتقا دەيىنگى تەرگەپ-تەكسەرۋ جۇرگىزىلىپ، كۇدىكتىلەر قاماۋعا الىندى.
تەرگەۋ ناتيجەسىندە ءىس سوتقا جولداندى.
