Almatydaǵy Nazarbaev ziiatkerlik mektebinde daý shyqty. Ministrlik jaǵdaiǵa pikir bildirdi, dep habarlaidy Dalanews.kz.
BAQ málimetine súiensek, 23 mamyrda 11-synyp oqýshysy Almatydaǵy Nazarbaev ziiatkerlik mektebinen oqýdan shyǵarylǵan. Munyń sebebi emtihan kezindegi tártipbuzýshylyq jáne muǵalimdi "Sh"-dan bastalatyn sózben qorlaý bolǵan.
Kelesi kúni jasóspirim beineúndeý joldady. Ol muǵalimnen birneshe ret keshirim suraǵanyn málimdedi. Onyń sózinshe, direktor ózi týraly muǵalimder men ata-analar arasynda jalǵan aqparat taratqan.
Oqý-aǵartý ministrliginiń resmi ókili jaǵdaiǵa pikir bildirdi.
"Elimizde ustazdyń mártebesi zańmen bekitilgen, bul onyń qoǵamdaǵy orny erekshe ekenin bildiredi. Ustaz – bala tárbielep, urpaqqa jol kórsetetin ardaqty jan. Sondyqtan ata-ana men oqýshy tarapynan muǵalimge qurmetpen qaraý – eń aldymen adamgershiliktiń belgisi. Muǵalimniń abyroiyna kúmán keltirý – búkil júieniń bedelin túsirýmen birdei", - dedi vedomstvo ókili.
Oqý-aǵartý ministrligi pedagogtiń qadir-qasietin tómendetetin kez kelgen áreketke qatań syn kózqaraspen qaraitynyn málimdedi.
"Bul oqiǵada oqýshy óz qatesin túsinip, ókinish bildirip otyr. Endi NZM bul jaǵdaidy tek ishki tártippen emes, sondai-aq, adamgershilik, keshirimdilik pen naǵyz ustazdyq ustanymdarǵa súiene otyryp sheshedi dep úmittenemiz. Oqý-aǵartý ministri Ǵani Beisembaev bul máselege ózi jiti nazar aýdaryp, tiisti tapsyrmalar berdi. Ministrdiń nusqaýyna sáikes bul máselemen Balalardyń quqyqtaryn qorǵaý komitetiniń jáne aimaqtyq departamenttiń ókilderi ainalysady. Ministr "NZM" basqarma tóraǵasy Anýar Janǵozinmen sóilesti. Basqarma tóraǵasy máseleni jeke qolǵa alǵanyn, jaǵdaidy jan-jaqty qarap, ne bolǵanyn ádil baǵalap, durys sheshim qabyldaitynyna sendirdi", - dedi ministrlik ókili.
